阿來泰式地道風味

营业中

休息中

我同朋友出去旺角shopping完後，就周圍搵嘢食啦，呢排日日都咁熱，大家就搵到呢間試下。我地大約9時半到，因為時間唔早所以都好快入到去坐。海南雞（半份） 啲雞肉非常滑溜，雞皮又香滑之餘唔會太肥，餐廳仲有個秘製醬汁，酸酸辣辣咁就岩哂我地女仔食啦，因為太夜我地冇試到個油飯，下次約定再唻試下先。肉碎生菜包我去親食泰國菜最意食呢個餸，呢道肥肉同肉碎比例適中，加埋香料都炒得好香，亦都好惹味，好足料，生菜包都唔夠包。泰式鳳爪我和朋友都好中意食鳳爪，酸酸辣辣，又唔會太咸，加埋芹菜，蔥，紅蘿蔔絲一齊食，非常好味。椰汁西米糕又去甜品位置啦，又點可以冇呀！我地就叫左椰汁西米糕，都算大件，上層係椰汁糕，而下層有西米，栗米同芋頭粒粒。龍眼水呢個飲品一到就嗅到龍眼蜜味道，顏色深，亦都好多龍眼肉，味道濃郁，相信凍飲會更正。呢道真係一個同朋友傾計，食物又好味，價錢又唔貴，仲開到淩晨兩點，我地又多個宵夜嘅好地方。