影片
更多
2018-08-05
104 浏览
約左兩個朋友出黎坐下傾下計，但係喺香港想搵個地方坐得舒服又可以慢慢傾吓計嘅地方真係唔容易，最後喺觀塘隨便搵咗呢間樓上Cafe。上到去好好彩留咗張卡位俾我哋，依度環境都唔錯，好有文青feel，環境唔嘈，啱晒我哋傾計，時間係下晝兩點幾，餐廳嘅採光好好，有陽光唔會焗促。雖然係tea time，但係我哋三隻餓鬼無食早餐，所以都係睇住個lunch menu黎叫野食。叫左3個set share 食。芝麻餐包仔，加埋個類似意大利醋既汁，好香同個包味道好夾。羅宋湯: 味道普通美國燒西冷配薯角: 7成熟，上菜速度勁快，而且塊扒好大塊，大過我手掌，以$108 既價錢簡直超抵。切開黎睇，大約係6,7成熟，切開時有少少筋，不過入口係juicy同淋既，夠牛味，我無再點d汁都好有味，牛扒底下仲有好多配菜，全部都好好食。黑松露帶子意大利飯:帶子甜，意大利飯唔會過硬或過淋，好食，不過意大利飯真係不能放底太耐唔食，我地掛住傾，最後食既時候凍左無咁好食。茄子意大利粉，材料有碎肉、茄子、菇，呢個對比之前兩個主菜就比較失色，但都好食既。跟set 既野飲係可以係drink menu度揀，每杯正價減$20。草莓燕麥奶昔:無試，呢
上到去好好彩留咗張卡位俾我哋，依度環境都唔錯，好有文青feel，環境唔嘈，啱晒我哋傾計，時間係下晝兩點幾，餐廳嘅採光好好，有陽光唔會焗促。
雖然係tea time，但係我哋三隻餓鬼無食早餐，所以都係睇住個lunch menu黎叫野食。叫左3個set share 食。
芝麻餐包仔，加埋個類似意大利醋既汁，好香同個包味道好夾。
羅宋湯: 味道普通
美國燒西冷配薯角: 7成熟，上菜速度勁快，而且塊扒好大塊，大過我手掌，以$108 既價錢簡直超抵。
切開黎睇，大約係6,7成熟，切開時有少少筋，不過入口係juicy同淋既，
夠牛味，我無再點d汁都好有味，牛扒底下仲有好多配菜，全部都好好食。
黑松露帶子意大利飯:
帶子甜，意大利飯唔會過硬或過淋，好食，不過意大利飯真係不能放底太耐唔食，我地掛住傾，最後食既時候凍左無咁好食。
茄子意大利粉，材料有碎肉、茄子、菇，呢個對比之前兩個主菜就比較失色，但都好食既。
跟set 既野飲係可以係drink menu度揀，每杯正價減$20。
草莓燕麥奶昔:
無試，呢杯係朋友既，睇樣唔錯。
火龍果燕麥奶昔:
呢杯飲品好好飲，好消暑，下次都會再飲。
三個人食左$376，環境好舒服，係度坐左差唔多4個鐘，又唔趕人走，係度傾計食飯真係一個幾好既地方，難怪咁多like!
张贴
