焱丸水產 (已結業)

Happy Friday 同閨蜜食好啲，聽過焱丸水產個名好多次，特別去食下。好彩早早book 咗位，因為門口已經有人排隊，就算我地book 咗枱，都要個半鐘交枱。我地3個女仔叫咗呢幾樣:大關5點盛、松葉蟹膏帆立貝燒、海膽帆立貝燒、松葉蟹蓋、牛肉鍋。先上嘅係大關5點盛，刺身有油金魚、三文魚、帶子、海膽同呑拿魚。整體都算新鮮，油金魚出奇地無渣，其他都唔錯，唯獨海膽有一半唔算好新鮮。第一道燒嘅係松葉蟹蓋。服務員幫我地起咗燒之後，簡單講解話比我地聽點為之熟同叫我地間唔中要攪攪佢，因為佢擔心忙起上黎，會走漏眼。燒咗一陣，啲蟹子變實色就食得。松葉蟹膏真係無得輸！熱熱地，加埋蟹膏入面有少少蟹肉，好香，好滑！另外仲有海膽帆立貝燒同松葉蟹膏帆立貝燒。不過，呢樣都有啲失色。帆立貝都加咗啲青椒仔，完全比青椒搶晒啲味。尤其係松葉蟹膏嗰個，完全食唔到蟹膏味，比起剛剛嘅蟹蓋，真係大失所望。最後嘅牛肉鍋，我地加咗烏冬，個湯底都ok～ 正路嘅，唔算特別。食下食下，交枱前半個鐘截單。食物質素同服務都算唔錯。