影片
更多
2019-04-28
104 浏览
值得一讚既西餐廳，價錢公道，位處旺角咁方便既旺區地段，但環境幾清悠，坐得舒服，可以同閨密靜靜地傾計，呢個地方真係唔錯。我地叫左2個主菜、1杯野飲同1個餐湯，份量剛剛好，夠我地2個女人食，而唔會飽到難受。流心三重芝士手打和牛漢堡包熱辣辣嘅三重芝士，就快要流哂落黎嘅感覺真係好正，同好鬼邪惡，牛肉煎得剛剛好，唔會太乾，肉質仲係好嫩好Juicy，不愧係和牛！芥茉醬個味幾特別，同平時食開嘅有D唔同，但我講唔出係咩分別，條脷無咁靈XD，配埋番茄、生菜、些許嘅香草，好食！薯角新鮮炸起，上枱時仲係卜卜脆，唔係好淋果d，亦唔會油，就咁食呢個包已經令我地覺得有D飽。慢煮肉眼扒配農夫菜呢份肉眼扒煎得剛剛好重煎得好香，因為用慢煮方法煮，肉汁充份鎖住，而調味亦可以充份咁滲入肉入面，除左食美味外，仲多左份誠意係度。醬汁好夾亦都值，配菜用左青豆、香草、薯仔打成嘅醬蓉，超級好味，食牛肉嘅時候已經有少少醬汁，再加埋呢個醬蓉，層次完全唔同晒，睇得出廚師好有心機煮。玫瑰蘋果伯爵茶用新鮮蘋果做，好多餐廳都唔會選擇用新鮮生果去做，而個伯爵茶飲落唔會太甜，輕輕帶出玫瑰 同蘋果嘅味道，再加上新鮮薄荷葉，一流配搭。呢度嘅服務員態度都
我地叫左2個主菜、1杯野飲同1個餐湯，份量剛剛好，夠我地2個女人食，而唔會飽到難受。
流心三重芝士手打和牛漢堡包
熱辣辣嘅三重芝士，就快要流哂落黎嘅感覺真係好正，同好鬼邪惡，牛肉煎得剛剛好，唔會太乾，肉質仲係好嫩好Juicy，不愧係和牛！芥茉醬個味幾特別，同平時食開嘅有D唔同，但我講唔出係咩分別，條脷無咁靈XD，配埋番茄、生菜、些許嘅香草，好食！薯角新鮮炸起，上枱時仲係卜卜脆，唔係好淋果d，亦唔會油，就咁食呢個包已經令我地覺得有D飽。
慢煮肉眼扒配農夫菜
呢份肉眼扒煎得剛剛好重煎得好香，因為用慢煮方法煮，肉汁充份鎖住，而調味亦可以充份咁滲入肉入面，除左食美味外，仲多左份誠意係度。醬汁好夾亦都值，配菜用左青豆、香草、薯仔打成嘅醬蓉，超級好味，食牛肉嘅時候已經有少少醬汁，再加埋呢個醬蓉，層次完全唔同晒，睇得出廚師好有心機煮。
玫瑰蘋果伯爵茶
用新鮮蘋果做，好多餐廳都唔會選擇用新鮮生果去做，而個伯爵茶飲落唔會太甜，輕輕帶出玫瑰 同蘋果嘅味道，再加上新鮮薄荷葉，一流配搭。
呢度嘅服務員態度都幾好，而廚師都幾有心機煮，無論食材，配搭都睇得出廚師用心一面。以呢個價錢唔洗同人逼，又唔會趕人走，出品質素又唔差，呢到真係值得介紹。又多一個閨蜜老地方。
张贴
