影片
更多
2017-10-17
322 浏览
每當朋友生日我們都會選西餐 、日式 或韓式食品跟他們慶祝月月如是..大家都厭了今次朋友提議吃中國菜更找了這家以 順德菜為主的名門私房菜看了網上評價很高就決定來這裡跟好友慶祝名門位於灣仔道港鐵行過去也只是幾分鐘十分方便如大多私房菜般名門沒有豪華的裝潢但環境整潔令我覺也覺得很舒服由於我遲到關係朋友們已經點好了菜我坐下無耐.. 便有野食了第一道先上湯順德豆腐魚茸羹 我們點了一個例牌, 份量可供6位飲用除豆腐及魚肉外還有其他配料, 如菇及菜心配上蛋花味道較清 有陣陣既魚鮮味每一啖除左豆腐外 仲有食到魚肉 菇 菜口感層次豐富冰鎮鮑魚配燒汁芥辣醬 鮑魚質感爽口彈牙食落口已有陣陣酒味 及滷水味如果覺得唔夠味還可加點芥辣燒汁更能提升其鮮味中秋過後芋頭當做 最適合叫這個招牌菜荔芋乳鴿酥配烤肝XO醬 幸好朋友告知由於在製作需時，所以需要預早兩日預訂 否則我們也冇機會試到廚師將新鮮嘅乳鴿拆肉加上洋蔥等配料先作調味再釀入荔芋中 再炸薄薄又香脆嘅外層包住香滑鬆軟的芋蓉再配上自家製烤肝XO 醬 這個醬廚師自己炒的內有雞肝 味道特別 但又唔會好辣 仲帶點甜味配埋荔芋一起食分外惹味原件鵝肝蝦多士鵝肝外皮炸得脆脆的
我們都會選西餐 、日式 或韓式食品跟他們慶祝
月月如是..大家都厭了
今次朋友提議吃中國菜
更找了這家以 順德菜為主的名門私房菜
看了網上評價很高
就決定來這裡跟好友慶祝
名門位於灣仔道
港鐵行過去也只是幾分鐘
十分方便
如大多私房菜般
名門沒有豪華的裝潢
但環境整潔
令我覺也覺得很舒服
由於我遲到關係
朋友們已經點好了菜
我坐下無耐.. 便有野食了
第一道先上湯
順德豆腐魚茸羹
我們點了一個例牌, 份量可供6位飲用
除豆腐及魚肉外
還有其他配料, 如菇及菜心配上蛋花
味道較清 有陣陣既魚鮮味
每一啖除左豆腐外 仲有食到魚肉 菇 菜
口感層次豐富
冰鎮鮑魚配燒汁芥辣醬
鮑魚質感爽口彈牙
食落口已有陣陣酒味 及滷水味
如果覺得唔夠味還可加點芥辣燒汁
更能提升其鮮味
中秋過後芋頭當做 最適合叫這個招牌菜
荔芋乳鴿酥配烤肝XO醬
幸好朋友告知由於在製作需時，所以需要預早兩日預訂 否則我們也冇機會試到
廚師將新鮮嘅乳鴿拆肉
加上洋蔥等配料先作調味
再釀入荔芋中 再炸
薄薄又香脆嘅外層包住香滑鬆軟的芋蓉
再配上自家製烤肝XO 醬
這個醬廚師自己炒的
內有雞肝 味道特別 但又唔會好辣 仲帶點甜味
配埋荔芋一起食分外惹味
原件鵝肝蝦多士
鵝肝外皮炸得脆脆的
每啖有好香濃既鵝肝味
最重要的質感唔會太油
面蝦多士切開後
我不禁'嘩'左聲
厚厚既蝦滑包住左隻蝦釀在多士上
蝦滑肉質彈口 非常有口感
而紅色的醬汁是相士多啤梨砵酒醬汁
及配上沙律菜
減少油膩感覺
鮑汁北菇扣鵝掌
北菇大大粒，很厚肉
而鵝掌亦炆到很腍
兩者也很入味
鮑汁味道濃郁
好味到我將剩餘的撈飯吃
來到這裏當然要試試地道家鄉菜蝦子生扣柚皮
柚皮炆到入晒味 口感非常之腍
送飯一洗
十月, 芥菜當做的季節
侍應推介了蝦乾魚肚大芥菜煲
鍾意食芥菜的我 想也不想便點了這個菜
上湯清甜，略略飲到蝦乾的味道
而芥菜亦很新鮮 非常清甜
略嫌魚肚未夠腍 如再腍一點就滿分
生磨蛋白杏仁茶南北杏人手磨製
質感比平時我們在外吃到的細滑
一問之下，完來是需要關火後才加蛋白
這樣便可以做到更細滑的效果
杏仁味道相當突出 又不會太甜
吃了之後覺得滋潤了不少
雖然這裏價錢感覺上有點貴
但食物嘅質素同份量
確實物超所值
有機會我必會帶家人再來這裏嘗試一下
张贴
