影片
更多
2017-09-01
244 浏览
一約大班朋友聚會食飯都不外乎任食自助餐，但間唔時都會揀下散叫既餐廳，始終散叫菜式質素味道都比任食既好，久唔久豪一次都可以，今次我地去左依間日式燒肉店食飯，之前其實已經食過一次，覺得有質素高價錢亦好合理，所以毫不猶豫再來食餐好餐廳座位闊落舒適，幾適合大班人聚會食飯，想有私人空間聚餐，亦有VIP房供訂座首先齊齊食漬物前菜開下胃先，蒜頭、海哲、魚仔都醃製得濃郁惹味，刺激味蕾食慾大增食完個開胃小食，明太子玉子燒就送到啦，玉子燒上面擠滿蛋黃醬玉子燒一夾起就出煙熱呼呼，中間捲住明太子，咬一口仲有芝士拉絲，食落蛋味香濃，感覺好和暖成班食肉獸點都要叫個芒果蟹籽沙律黎清一清先，青瓜絲清新爽口，粒粒芒果好鮮甜，由於芒果而家係夏季當做，所以特別香甜軟熟，兩種蔬果配搭做沙律係完美之作終於到五品刺身拼盤啦，當中有伊佐目、日本響螺、金目鯛、三文魚腩同帶子，只有三個字形容，好鮮甜！之前黎過叫刺身食都係高質素，估唔到今次再黎食都係一樣咁美味，三文魚腩食落非常肥美鮮甜，油份甘和，好好味，帶子亦鮮甜爽嫩，其他魚刺身都無可挑剔，黎依度食飯叫刺身係必然食完超讚既刺身，主角近江和牛盛宴出場啦，店員話叫依客盛宴套餐就送一支月山出
餐廳座位闊落舒適，幾適合大班人聚會食飯，想有私人空間聚餐，亦有VIP房供訂座首先齊齊食漬物前菜開下胃先，蒜頭、海哲、魚仔都醃製得濃郁惹味，刺激味蕾食慾大增
食完個開胃小食，明太子玉子燒就送到啦，玉子燒上面擠滿蛋黃醬
玉子燒一夾起就出煙熱呼呼，中間捲住明太子，咬一口仲有芝士拉絲，食落蛋味香濃，感覺好和暖
成班食肉獸點都要叫個芒果蟹籽沙律黎清一清先，青瓜絲清新爽口，粒粒芒果好鮮甜，由於芒果而家係夏季當做，所以特別香甜軟熟，兩種蔬果配搭做沙律係完美之作
終於到五品刺身拼盤啦，當中有伊佐目、日本響螺、金目鯛、三文魚腩同帶子，只有三個字形容，好鮮甜！
之前黎過叫刺身食都係高質素，估唔到今次再黎食都係一樣咁美味，三文魚腩食落非常肥美鮮甜，油份甘和，好好味，帶子亦鮮甜爽嫩，其他魚刺身都無可挑剔，黎依度食飯叫刺身係必然食完超讚既刺身，主角近江和牛盛宴出場啦，店員話叫依客盛宴套餐就送一支月山出雲純米吟釀300ml，優惠只限九月份內
食燒肉配清酒啱哂，依個近江和牛套餐總共有九個唔同既部位，每個部位亦插上小旗仔，比我地識別唔同部位既和牛，每塊既脂肪油份比例好靚，睇見都流口水，此外係餐牌可以清楚睇到每個部位既肉味、咬口同油花度，店員亦建議由淡味到濃味咁燒，如果先食濃味油份高既部位，會好快感到有滯膩感，所以當然聽店員話一個一個慢慢燒黎食
1.和牛牛舌薄片夠爽口2.牛臀肉食落牛味濃郁，肉質軟熟多汁
3.牛腿上肉軟熟得黎比較有咬口
4.牛腿肉一入口就即溶，燒得勁軟熟兼肉汁多
5.牛肩肉食落比較無咁軟熟，咀嚼個時比較有咬勁
6.牛頸脊油份比較高，食落啖啖肉又夠軟熟
7-9.牛小排、西冷同肉眼三款都係油花最高，完全係入口即溶，脂肪油份高，食完已感到有滯膩感，但的確惹味到無法抵擋
食完個咁滿足既和牛燒肉套餐，食返個日式炒野菜平衡一下，野菜用左麵豉醬炒，入面有木魚、野菌 椰菜、金菇、雞肶菇等菌類，食落好香口又多汁，完全唔覺乾身
其實食依道什錦天婦羅已經好飽，但天婦羅炸得薄粉香脆，冬菇、蝦同翠肉瓜炸完都仲鎖到水份，咬落有汁，炸得好出色
食飽飽飲返杯巨峰提子梳打，濃郁提子味解膩又開胃
最後食埋個雪糕收尾都唔過份啫，我叫個個係海鹽雪糕，海藍色好可愛，食落鹹度適中味道幾特別
张贴
