Bellevue Bar and Grill (已結業)

今日去左旺角食lunch,呢間餐廳嘅景觀非常開揚，好舒服。是日精選餐湯 ─ 南瓜湯南瓜湯非常出色，口感綿滑，南瓜味道濃郁。田園沙律比一般嘅田園沙律有更多嘅配菜，除咗有蔬菜之外，仲有一啲豆類，令到沙律感覺更豐富。芝麻醬燒雞肉伴溫室青瓜雞肉雖然唔係用上雞髀，但肉質唔乾，配上青瓜一齊食口感清爽。煙三文魚伴黑松露忌廉意粉 ($118)黑松露忌廉汁做得非常出色，醬汁質地杰身，掛麵十足，每一條意粉都可以沾滿醬汁。野菌紅酒燴牛肋條 ($158)紅酒同牛肋從來都係最佳嘅配搭，牛肋條煮得非常淋，每一條都十分入味。