榮哥廚房私房菜

营业中

休息中

成日都好想帶屋企人食一啲特別啲既餐廳, 終於俾我搵到一間近近地係觀塘既私房菜, 結果都真係冇令我地全家失望 一入到黎店員就帶我地入座, 餐廳感覺都幾闊落, 店員服務都唔錯, 有一道菜係油浸時令鮮魚, 店員仲自動幫我地切開添! 佢既前菜好精緻, 媽咪最中意係流心蛋茄子, 好少見媽咪會食哂成個前菜, 佢話茄子既調味岩哂佢口味, 仲想搶埋我個舊食haha 食完前菜就有湯飲, 媽咪話個滲湯煲得仲好飲過佢自己煲, 睇黎佢之後都想罷工 之後就到爸爸最中意食既炸野, 呢道炸魚好新鮮, 爸爸好滿意, 話炸魚一啲油益咪都冇, 睇得出店家都有日日換油~ 爸爸最中意食海鮮同肉, 佢對個蝦球水芙蓉既蝦球好滿意, 話夠哂彈牙, 我俾埋我粒蝦球俾爸爸食到佢lam lam 利! 跟住就有一味係士多啤梨排骨配上脆米, 岩哂中意食肉既我地, 排骨好大塊, 咬落啖啖肉! 媽咪話碟百花雞好考功夫, 叫我地之後如果想食都唔好叫佢整hahah 因為好難整同埋好難整得好食, 但佢就對呢度既呢道菜好滿意! 之後食下菜同炒飯, 最後食埋全家最中意既芝麻湯圓, 爸爸同媽咪都話好滿足!