影片
更多
2019-06-03
22 浏览
今日原本約左朋友去尖沙咀飲野。難得放假，但係卻天陰陰，時不時落下雨 ，氣溫涼咗唔少，最後大家決定咗唔去酒吧，改咗去食燒烤。可以食啲熱辣辣嘅嘢，再飲返啖啤酒。上網見依家食評都唔錯，所以最終就嚟咗呢間度食嘢。食串燒，開頭就梗係要食啲貴嘢，到甘上下先食啲飽肚嘢。呢度嘅燒扇貝幾好食，扇貝size適中，唔會細。而且上面鋪嘅粉絲亦都多，索曬啲扇貝燒出嚟嘅鮮味，好鮮甜。貴妃蚌亦都燒得好正， 貴妃蚌燒完之後好爽脆，而且粉絲一樣索咗貴妃蚌嘅鮮甜，好食。食完海鮮食番啲可以送酒嘅串燒。呢度嘅燒牛舌size偏大，而且廚師燒嘅手藝唔錯，對嘢食嘅熟度掌握得幾好，牛舌燒得外乾內嫩。送啤酒就梗係唔可以唔叫燒雞軟骨啦。燒雞軟骨比平時就咁煮既雞軟骨乾身好多。因為水分少咗，食落口，雞軟骨嗰陣香口感覺就更加強烈，絕對係送酒嘅number one菜式。另一樣送酒嘅絕配菜色就當然係燒雞翼啦。呢度嘅燒雞翼，唔會好似出面啲串燒雞翼咁，燒到雞翼既皮起哂焦。依度既雞翼燒完都仲保持到雞皮完整光滑，食落口 雞肉又嫩又有汁，好味。食完 玉女就當然要食番少少蔬菜 咁先至食得健康㗎嘛燒蔬菜就唔逐一講啦。只係用幾句概括一下就算啦：師傅嘅手勢幾好，就
食串燒，開頭就梗係要食啲貴嘢，到甘上下先食啲飽肚嘢。
呢度嘅燒扇貝幾好食，扇貝size適中，唔會細。而且上面鋪嘅粉絲亦都多，索曬啲扇貝燒出嚟嘅鮮味，好鮮甜。
貴妃蚌亦都燒得好正， 貴妃蚌燒完之後好爽脆，而且粉絲一樣索咗貴妃蚌嘅鮮甜，好食。
食完海鮮食番啲可以送酒嘅串燒。
呢度嘅燒牛舌size偏大，而且廚師燒嘅手藝唔錯，對嘢食嘅熟度掌握得幾好，牛舌燒得外乾內嫩。
送啤酒就梗係唔可以唔叫燒雞軟骨啦。燒雞軟骨比平時就咁煮既雞軟骨乾身好多。因為水分少咗，食落口，雞軟骨嗰陣香口感覺就更加強烈，絕對係送酒嘅number one菜式。
另一樣送酒嘅絕配菜色就當然係燒雞翼啦。呢度嘅燒雞翼，唔會好似出面啲串燒雞翼咁，燒到雞翼既皮起哂焦。依度既雞翼燒完都仲保持到雞皮完整光滑，食落口 雞肉又嫩又有汁，好味。
食完 玉女就當然要食番少少蔬菜 咁先至食得健康㗎嘛
燒蔬菜就唔逐一講啦。只係用幾句概括一下就算啦：師傅嘅手勢幾好，就算燒啲蔬菜，都無燒得太乾身呢個問題，食落口唔會有苦澀味，值得一讚。
一啖菜，一啖啤酒，再吹下水，唔使陣間，兩個鐘就過咗去。
张贴
