Steak Bar (已結業)

難得出一次銅鑼灣，除左要食我成日都好想食既刨冰之外，仲要食牛牛！！呢間steak bar位置係時代廣場附近，地鐵站落車行一陣就到。lunch set選擇都幾多，有最多人食既牛肉，另外仲有雞扒，鯖魚等等。石燒牛舌定食店員有提醒要等舊石熱一熱先好開始燒。燒肉黎講，我最鐘意食燒牛舌！呢到既牛舌係薄切既，超香口，超彈牙有咬口。我一路影相既時候，朋友一路食我啲牛舌，最後食左我一半。。。lunch set可以加錢轉薯條，佢地係用粗薯條，幾好食，有加分～頂級板腱牛扒定食呢個係店家燒好再上枱。牛肉好大舊下～而且板腱黎講，佢既肉質相對軟嫩。有肉既纖維既口感，但係唔會係好鞋好乾個種。落刀感覺容易切，有少少筋，但個啲筋位係咬到食到。不過火候掌握可以更好～因為我地叫五成熟，但我感覺係再生左少少，不過我接受到，因為肉既質素都相當唔錯😋熱情果茶有果味有茶味，正常發揮～建議搞勻飲，因為糖水沉底～蜜糖蒜香雞翼叫飲品送既小食～外皮香脆，沾滿蜜糖，我覺得味道做得幾好。而且雞翼既肉亦唔會炸到乾哂，仲有肉汁。