加多娜天然酵母手作麵包店

营业中

休息中

今日剛好去油麻地，就去買加多娜嘅開心果燒餅試吓，去到店鋪，人頭湧湧，反正都來到，買多幾款野食吓開心果燒餅($10)遇啱剛出爐，拎上手熱辣辣，買完即場係附近街邊食，食落熱辣辣，軟腍腍，開心果餡超多，食到開心果醬及粒粒果仁碎，皮薄，好香開心果味，好好食😋椰汁芋頭酥($10)椰汁芋頭酥， 餡料足，滿滿芋泥👍食落芋泥好滑，好香，唔甜，酥皮唔油， 好食👍開心果泡芙($25)有開心果碎鋪面，食落濃濃嘅開心果味，外脆內軟，餡料足，爆晒餡，滿口開心果醬，唔太甜，好食👍琥珀合桃朱古力泡芙($25)有合桃鋪面，食落合桃有焦糖味，食落濃濃嘅朱古力味，外脆內軟，餡料足，爆晒餡，滿口朱古力醬，比開心果甜咗啲，都好食👍