奏鐵板燒日本料理 (已結業)

係呢間既午市常客，見佢最近換左個新餐牌，不過內容變化不大，價錢好似都差唔多，所以今日繼續過黎幫襯。午市時間，今日唔洗等好耐，就有位黑西裝帶入我地埋位，坐低之後，我同同事一個叫和食，另一個叫左份魚生飯。魚生飯到，賣相唔錯，而且種類都多，睇落大大碗(食落都係大大碗)，有三分之一都係魚生，夠新鮮，學句老話：食到有海水味！大大碗魚生飯，都只係一百蚊上下，而且座位都夠寬鬆，就算坐滿人都唔會密密麻麻，呢點認真唔錯，下次都仲會再黎食。