極尚大瀛喜日本料理

营业中

休息中

比起食酒店buffet，呢間放題CP值高好多～同爸爸媽咪老公黎，喺門口已經見到琳瑯滿目嘅各式食物！坐低，QR code落單，出面亦有自取item。超多種類：刺身、壽司、炸物、燒物、鍋類、甜品、雪糕、有汽飲品、果汁、熱茶、清酒啤酒、冷暖熱嘅都有，真正可以輕易做到飲飽食醉嘅一晚。刺身有冰墊底，擺盤好靚，所有都好新鮮！甜蝦、吞拿魚、帶子酒煮榮螺片超推介，尤其係吞拿魚嘅油香脂肪同酒帶出榮螺嘅鮮甜爽口。香草燒羊架又香又juicy；貴價比目魚都係任點，煎香帶日本醬汁甜味，肉質滑溜，閒閒地食呢兩樣加盤刺身都回左本！種類真係太多，燒有機菠蘿好食，魚湯浸菜苗又係無得輸，魚片魚湯浸住fresh到震菜苗，無渣嘅，我地一家都食得好滿意好開心！