日日香鵝肉飯店 (希慎廣場) (已結業)

今日第一次去希慎廣場行誠品，除咗好大間之外，行到最頂嘅時候，聞到好大陣香味，原來希慎嘅頂層係有foodcourt😂真係啱啱先知。既然被香味吸引左，今日嘅午餐就響度解決啦。呢度有各式各樣嘅餐廳，有好多都係其他foodcourt有嘅，所以就揀間之前未試過嘅。你間餐廳主要係食滷水鵝，有一啲學生餐都會抵d，仲有老火湯套餐，不過見到佢枱面嘅唯一推介，就梗係要試吓招牌滷水鵝肉飯啦招牌滷水鵝肉飯$68滷水鵝當然係主打，但估唔到配菜都好好味，豆腐卜係浸滿左滷水汁嘅，所以食落嘅時候濃郁美味，側邊有啲酸菜同埋菜譜，送飯好好味，配搭埋經典嘅白醋同滷水汁，更加提升鵝味嘅濃郁度，一個飯可以試到咁多樣滷水嘅嘢食，唔怪得知係推介啦。原本$28嘅油菜，跟餐加配只係加$15咋。係得食鵝，咁梗係唔可以食咁少啦，所以就揀咗啲小食，滷水鵝片$82，紅腸$28，滷水雞蛋$10。滷水鵝片同鵝肉唔一樣，係鵝胸嘅部份，冇咁肥，同埋冇骨嘅，啖啖肉好滋味，其實最好味係佢嘅滷水汁，只要將小食點左落去，就會好濃郁美味，感覺食多幾碗飯都得。