小皇府 (MOKO新世紀廣場)

营业中

休息中

今晚約咗一個就嚟結婚嘅朋友，去到旺角呢一間小皇府食個晚飯，輕鬆吓。我特別鍾意餐廳環境舒服，光線又充足。因為朋友就嚟結婚，所以今晚食嘅嘢都唔會太肥膩，或者係油炸，美顏緊要。見到有啲得意點心，就叫咗個小蜜蜂流沙包，非常可愛。再加一個台式脆蝦腸粉，同埋一碗正雲吞，全部都係蝦，非常足料，但亦係清淡一啲嘅選擇。為咗飲啲湯，朋友要左個海鮮酸辣羹，都幾辣，我就揀咗一個粟米蟹肉羹，有啲湯滋潤吓都係好啲。我依家終於講到主菜，就係松露黑椒煎封門柳，少少辣，味道香濃，所以揀咗一個清清地嘅炒飯，瑤柱蛋白炒飯。好滿意今晚嘅選擇，無論係餐廳，食物，特別係朋友。