爆丼屋 (已搬遷) 新店位置

睇完戲已經成12點，但因為放工太趕所以無食到野，諗住睇吓附近仲有咩未關，點知比我地見到呢間仲開，仲要開到凌晨兩點！其實之前好火熱嘅時候已經想試，但知要勁排隊所以無嚟！因為太夜所以我哋四個人淨係叫咗兩個丼同埋一個燒魷魚，一個丼會跟一個麵豉湯個湯幾正，唔係一般水溝粉，係有好多材料，魚子帆立貝果個好正，好多魚子，三文魚果個都唔差，雖然我覺得可以更加新鮮，魷魚筒就不過不失，埋單每人百頭！依家冇咩人排隊嘅話都可以一試！