荳子 (新城市中央廣場)

营业中

休息中

雖然依間餐廳分店越開越多，但人龍仍然好長。。。今晚8點幾，諗住冇咩人。。。點知又係人龍。。。今日決定排一排，決心一試。。。叫左黃金蟹肉意大利粉。。。賣相一流，但個人覺得味道一般，個蟹蓋係放上去的(好乾淨)，係成碟意粉嘅裝飾。。。意粉有蟹柳棒，有蟹肉，但金黃色的，係咩呢？我諗係蟹黃，但冇蟹黃的香味，而且食落去粉粉粒粒的，唔好味。。。另外叫左個新出品，佛羅倫pizza,有波菜，有溫泉蛋係中間。。。就係因為有溫泉蛋，覺得好得意，所以試下。。。但老實講，溫泉蛋同pizza真係唔夾。。。另外加左2個$25， 1個係肉醬芝士薯條。。。見唔到芝士，食唔到芝士味，而且d薯條係淋嘅，雖然夠熱，但淋嘅著條點會出色呢。。。另外$25係加左個蟹餅，唔錯，好食，略覺得細份。。。唔知係唔係我叫野食叫得唔好，所以評價一般，但見隔離枱碟黑松露軟殼蟹意粉，一上枱靚之餘，仲好香。。。有機會可以一試。。。題外話，本身餐廳有open area,依d天氣去，坐外面好舒服，但可能冇飲食牌，坐出面要當外賣，要用外賣包裝。。。。因為好唔環保，我決定放棄坐外面啦