影片
更多
2018-05-25
857 浏览
工作關係，偶然要同同事去青衣嗰邊，尋日去長發村揾食，先知道有間新開酒樓，咁我哋一行4人就拉大隊午膳時間去食下！ 估唔到入面勁大，勁多位，應該可以擺到40-50 圍酒，我哋12點前嚟到，都要等一陣位，晏d仲多人！酒樓提供既選擇都幾多，一般常見既點心都應有盡有，而且都有一d特色既款式同特價套餐選擇！我就先叫左個特價既燒肉飯食，唔駛$30 ,酒樓嚟講算唔錯， 燒肉皮燒得香脆， 份量都ok! 之後有香煎蘿蔔糕同煎釀虎皮尖椒，蘿蔔糕用料十足，外皮煎得啱啱好，夾落無散，有甜甜既蘿蔔味！至於好大隻既釀虎皮尖椒，就仲足料，啖啖魚肉，而尖椒又爽口，幾好味！跟住落嚟呢4 樣相信大家都成日食，分別係叉燒包，鳳爪，燒賣，叉燒包個餡做得幾好，都幾多肉，個包都做得鬆軟，而燒賣都幾足料，食得出有鮮豬肉既甜味，無咩肥肉，最特別係個鮮蝦菜苗餃，清新嫩滑既菜苗加上有咬口既大蝦，相信喺其他酒樓唔係咁易食到！而今日最特別既菜式，非呢個原籠金蒜斑腩蒸飯莫屬，份量大不在話下！一打開個籠香蒜味噴晒出嚟，d飯都係炒過帶d蛋花既金黃色，有d鑊氣，夾埋d蒜蓉嚟食仲惹味！而班腩就起晒骨，啖啖肉，非常嫩滑！最後我哋食晒d點心同飯都意猶未盡
估唔到入面勁大，勁多位，應該可以擺到40-50 圍酒，我哋12點前嚟到，都要等一陣位，晏d仲多人！
酒樓提供既選擇都幾多，一般常見既點心都應有盡有，而且都有一d特色既款式同特價套餐選擇！
我就先叫左個特價既燒肉飯食，唔駛$30 ,酒樓嚟講算唔錯， 燒肉皮燒得香脆， 份量都ok!
之後有香煎蘿蔔糕同煎釀虎皮尖椒，蘿蔔糕用料十足，外皮煎得啱啱好，夾落無散，有甜甜既蘿蔔味！
至於好大隻既釀虎皮尖椒，就仲足料，啖啖魚肉，而尖椒又爽口，幾好味！
跟住落嚟呢4 樣相信大家都成日食，分別係叉燒包，鳳爪，燒賣，叉燒包個餡做得幾好，都幾多肉，個包都做得鬆軟，而燒賣都幾足料，食得出有鮮豬肉既甜味，無咩肥肉，最特別係個鮮蝦菜苗餃，清新嫩滑既菜苗加上有咬口既大蝦，相信喺其他酒樓唔係咁易食到！
而今日最特別既菜式，非呢個原籠金蒜斑腩蒸飯莫屬，份量大不在話下！一打開個籠香蒜味噴晒出嚟，d飯都係炒過帶d蛋花既金黃色，有d鑊氣，夾埋d蒜蓉嚟食仲惹味！而班腩就起晒骨，啖啖肉，非常嫩滑！
最後我哋食晒d點心同飯都意猶未盡，叫左兩個甜品嚟食，一個係薑味濃郁既甜又煙韌既薑汁糕，另一個就係帶有陣陣桂花香味又軟稔稔既桂花糕！我自己比較鍾意個薑汁糕多d因為做得煙韌，而且夠晒薑！
食左咁多野埋單都係3百幾，質素幾好都算幾合理，下次喺長發村想飲茶，都可以再嚟京都薈！
张贴
