影片
早两日同朋友嚟咗呢间酒楼打边炉，我地点左个鸡煲，店员上咗鸡煲，开左个炉后，完全冇讲一句说话就走左！我哋开头都冇为意就食，隔咗5分钟左右，开始闻到少少浓味，头先个店员好激动咁走过来闹我地：「有冇搞错啊！你哋做乜开咁大火！浓晒啦！又唔加水」我当时答佢：「火系你开嘅，鸡煲一开始就加水落去，我叫鸡煲黎做乜？点解我唔叫鸡件！」之后个店员无理我地后走咗！我哋加水后继续打边炉，过咗一阵越嚟越浓，有个着西装嘅男仔（应该系部长之类嘅职位）佢话我哋煲野好浓，知我地岩岩开始食，想帮我地换过一煲，点知头先个店员冲左过嚟话：「冇得换架！要换都系用清水架乍」最后佢哋真系换咗煲清水俾我哋！我觉得态度真系十分恶劣！食物质素麻麻，碗碟洗得唔干净（仲有油迹）！总结以后唔会再系呢间酒楼食饭！
继续阅读
今日星期日一家人去饮茶，叫左好多点心，其他尚算可以，之后既鱼肉生菜真系超级吓人😨😨生菜反晒光😵😵明显好多油😵好油好油🙅🏻♂️🙅🏻♂️第一次食甘油腻既生菜 🤦🏾♂️🤦🏾♂️好恐怖 😱 跟住黎左碟排骨炒河🙍🏻♂️成碟好似油浸炒河甘😰😰😰😰😰😰超级油腻😓好似上面有几层油甘😰😰好得人惊😓无下次😥
继续阅读
青衣要揾间似样的酒楼话难唔难，话易亦都唔易...不过呢间京都荟野食都算唔错，点心几好食！而且仲有我钟意食嘅虾角！真系好难得....点心选择多到任君选择！虾饺馅料丰富！烧卖不过不失叉烧包香软姜汁糕我至爱最后仲叫左碟炒野，味道不错！
继续阅读
今日公众假期，所以叫屋企人唔好煮饭！落街食...之前见到佢既鸡煲系任添！所以决定去试下...由1904开始落单...到1934先到...仲要得几件鸡...咁食完之后...当我地话加鸡...店员就话我地个煲㶶啦！之后走左去...当无听到...再追单既时候就叫我地加清水...我就问佢...唔系任加既咩...店员话今日旺场...你地加白开水做汤底啦...态度十分不满咁...最后我地加左钱比一个新汤底！ 唔会再帮衬！
继续阅读
今日下午茶时间去到呢间酒楼，见到菜远虾球伊面系下午茶价钱，好抵食于是就叫呢食，点知就一肚气。上汤菜远虾球伊面，听起上嚟都应该会系好好食，以实际上如果煮得标标准准嘅话都应该会好好味，但系呢一个就唔系，呢碗面外观睇起上嚟好似好靓咁样，但系𠮶啲伊面煮到好淋，真系淋-ber-ber到冇晒伊面应该有嘅爽口质地， 应该系上汤嘅上汤根本系msg汤，虽然都叫做有四旧虾球，但系虾球好大阵雪藏味，唯一叫做正常味道嘅就系两条菜心。 碗面完全唔合格。虽然下午茶，好难同晚餐嘅相比，但系都唔好将货就价去到咁样，话到尾都系真金白银畀嘅，如果出品咁求其，不如唔好出啦。
继续阅读