甘永泰魚蛋 (已結業)

長洲出名除左係搶包山食海鮮之外，長洲大魚蛋應該都榜上有名，長洲有好多小食店都有賣大魚旦，最出名係距離碼頭兩三分鐘路程嘅「甘永泰魚蛋」！雖然係平日（不過好似係什麼寶誕），但係我去嘅時候都要排隊！排左幾分鐘就到我喇！叫左一串大魚蛋（2粒）一串魚肉饟豆卜（5、6粒左右，冇數！），總共25蚊，好貴呢！魚蛋食落熱辣辣甜甜地，係就係好彈牙，不過冇乜魚味，個人認為只係一般！魚肉饟豆卜唔熱，不過都脆口，味道都係冇乜特別！不過一場入到長洲，都係要食一食嘅！