鳥海山鐵板燒 (已搬遷) 新店位置

今日約左朋友黎長沙灣既鳥海山食日本鐵板燒,朋友話想食好耐。餐廳雖然唔太大，不過坐得舒服，仲可以望坐師傅燒野食。打頭陣點左碟鐵板炒安格斯牛柳試試先，牛味又幾重，食得出唔係用平價牛，而且火喉控制得剛剛好，唔會太熟唔會太鞋。之後點左燒雞扒，雞肉仲好滑溜，雞皮脆卜卜可口。鐵板野菜係必點，有齊椰菜、芽菜、同菇菌，唔會太咸或者太淡，味道剛好。朋友點左三文魚頭，開頭以為無乜肉，點知又唔會，臉珠肉好多，滑溜溜，好香。另外，點左煙肉燒飯，每粒飯都金黃色，煙肉好大塊，而且色香味俱全！