鳥海山鐵板燒 (已搬遷) 新店位置

媽咪生日係長沙灣搵食上OpenRice 搵到呢間小店，見呢排評語唔錯咁，就book來同媽咪試下。佢下午6點先開晚市，我哋5點幾來到，等入座，未算好多人，都有一兩台客準備入座。一打開餐牌就被佢吸引住，色彩豐富嘅魚生飯最後我哋揀咗二人鐵板燒餐先來兩份小沙律菜，汁酸酸地好清新，菜都好新鮮，唔錯。頭盆四款魚生，好新鮮，好好味佢有分次序食，由淡味食先到濃味。 呢個鐵板燒南非鮑魚真係不得了，超好味，好淋，帶住啲油香，入口又淋又滑身，大讚主菜，龍蝦感覺到好新鮮，好彈牙，好好味，佢用咗本身嘅蝦膏去做個汁，好正。呢個真係估佢唔到，真心勁好食，鵝肝外脆內軟，無嗅味，入口溶化，就連個底，都做得好好，好脆，唔係淋左個啲，有誠意，必食。呢個係薄燒和牛卷，和牛好淋，雖然有少少根，但味度都算ok最後係炒飯同炒菜，吸晒之前個啲菜式精華，真係不得了，飯炒得粒粒分明，每粒都充滿油香味，仲有啲櫻花蝦喺度一齊食。呢次晚餐媽咪都好滿意 雖然有點貴，份量男人來講可能就要再加啲嘢，不過我哋就好夠飽，大滿足整體都會偏油少少，如果平時怕多油朋友可能就要諗下。