影片
更多
2018-10-22
159 浏览
長沙灣隱世小店，主力賣日式燒物同麵食，煮食落單全部one man band一腳踢好勁抽✨必推半熟蛋糖心燒，出面少見，本身陣醬漬味已經醃得好好，再燒埋個表面多咗陣燒烤香更正✨ 油甘魚鮫超高質，比起鮭魚餃個油度冇咁霸道，魚味更香，而且呢度個魚鮫本身都好靚，肉身厚嫩，就咁加少少鹽燒已經好好食❤️當然仲有一系列嘅串燒，當中我覺得最考功夫嘅燒雞皮，假若火喉唔夠的話就冇咗果陣香脆感，燒太勁的話又會過硬，而呢度出品剛剛好，帶脆得嚟又唔會燒到乾哂，合格有餘。另外燒菠蘿廿八有成盤咁滯抵食得爛，而且唔係就咁一串燒哂，仲將每塊都平放燒哂正反兩邊，好有心思✨食咗咁熱氣嘢當然要食返啲凍嘢降溫，叫咗個冷烏冬，揀明太子汁，師傳話個汁都係自己調配，有沙律汁應有嘅開胃感得嚟仲多咗明太子嘅鮮同微辣感，好啱熱天食，而個烏冬仲可以揀稻庭定係讚歧。仲有個沙律份量奇大，蟹柳絲同蟹籽多到唔洗本咁，不得了✨
必推半熟蛋糖心燒，出面少見，本身陣醬漬味已經醃得好好，再燒埋個表面多咗陣燒烤香更正✨
油甘魚鮫超高質，比起鮭魚餃個油度冇咁霸道，魚味更香，而且呢度個魚鮫本身都好靚，肉身厚嫩，就咁加少少鹽燒已經好好食❤️
當然仲有一系列嘅串燒，當中我覺得最考功夫嘅燒雞皮，假若火喉唔夠的話就冇咗果陣香脆感，燒太勁的話又會過硬，而呢度出品剛剛好，帶脆得嚟又唔會燒到乾哂，合格有餘。
另外燒菠蘿廿八有成盤咁滯抵食得爛，而且唔係就咁一串燒哂，仲將每塊都平放燒哂正反兩邊，好有心思✨
食咗咁熱氣嘢當然要食返啲凍嘢降溫，叫咗個冷烏冬，揀明太子汁，師傳話個汁都係自己調配，有沙律汁應有嘅開胃感得嚟仲多咗明太子嘅鮮同微辣感，好啱熱天食，而個烏冬仲可以揀稻庭定係讚歧。
仲有個沙律份量奇大，蟹柳絲同蟹籽多到唔洗本咁，不得了✨
张贴
