影片
更多
2023-02-24
27 浏览
漁初魚丼呢間日式小店開係佐敦嘅時候就已經留意到，嗰陣嘅評價已經唔錯，所以一直bookmark住，最近佢搬咗去長沙灣附近先有機會食到~同類型搜尋︰#heyzoeat長沙灣 自選魚生飯 (三文魚/火灸鰈魚邊/三文魚籽 每款配料HK$30) HK$105呢到幾乎每一個人都有嗌魚生飯，我地都諗住試一個~ 三文魚好新鮮，魚籽食落口係卜卜聲，好食~最有驚喜係火灸鰈魚邊，油脂勁豐富，食落好有驚艷嘅感覺~ 不過呢個魚生飯嘅份量偏多，食曬啲魚生都仲有好多飯淨~蟹肉蟹膏甲羅燒 HK$58甲羅燒入面有好多蟹膏，撈埋啲蟹籽揸上微微烘過嘅多士到，好邪惡~ 如果甲羅燒嘅蟹肉再多啲就仲好~自家製免治雞肉丸 HK$48呢個個蛋黃一開始就穿咗，一上枱認唔出佢係咩黎；呢個雞肉丸嘅口感幾好，有少少軟骨係入面，配搭埋秘製醬汁一齊食，唔錯~燒牛舌心 HK$58呢個牛舌心都算幾有咬口，本身問staff 話一串得3塊，最後唔知點解係一串四塊，味道屬於正常發揮~汁燒原塊豬頸肉 HK$58呢個豬頸肉同平時出面食到嘅有啲唔同，佢呢個嘅煮法係原塊拎去燒，咁樣可以保留到豬頸肉嘅肉汁，唔會燒到乾爭爭；呢個豬頸肉配埋秘製醬汁一齊食，又真係幾唔錯
呢間日式小店開係佐敦嘅時候就已經留意到，嗰陣嘅評價已經唔錯，所以一直bookmark住，最近佢搬咗去長沙灣附近先有機會食到~
同類型搜尋︰#heyzoeat長沙灣
自選魚生飯 (三文魚/火灸鰈魚邊/三文魚籽 每款配料HK$30) HK$105
呢到幾乎每一個人都有嗌魚生飯，我地都諗住試一個~ 三文魚好新鮮，魚籽食落口係卜卜聲，好食~最有驚喜係火灸鰈魚邊，油脂勁豐富，食落好有驚艷嘅感覺~ 不過呢個魚生飯嘅份量偏多，食曬啲魚生都仲有好多飯淨~
蟹肉蟹膏甲羅燒 HK$58
甲羅燒入面有好多蟹膏，撈埋啲蟹籽揸上微微烘過嘅多士到，好邪惡~ 如果甲羅燒嘅蟹肉再多啲就仲好~
自家製免治雞肉丸 HK$48
呢個個蛋黃一開始就穿咗，一上枱認唔出佢係咩黎；呢個雞肉丸嘅口感幾好，有少少軟骨係入面，配搭埋秘製醬汁一齊食，唔錯~
燒牛舌心 HK$58
呢個牛舌心都算幾有咬口，本身問staff 話一串得3塊，最後唔知點解係一串四塊，味道屬於正常發揮~
汁燒原塊豬頸肉 HK$58
呢個豬頸肉同平時出面食到嘅有啲唔同，佢呢個嘅煮法係原塊拎去燒，咁樣可以保留到豬頸肉嘅肉汁，唔會燒到乾爭爭；呢個豬頸肉配埋秘製醬汁一齊食，又真係幾唔錯~，好容易食完一塊又一塊之後就食曬~
整體感覺
食完之後成日諗返起佢地嘅鰈魚邊，真係幾好食，同埋留意到佢地其他pre set 嘅魚生飯都好豐富，呢間日本小店嘅野食選擇多到有啲眼花撩亂，經過嘅話應該都會再encore~
张贴
