味道樂居酒屋 (元州街) (已結業)

味道樂聽就聽人食得多，今次終於到自己食，鋪面裝潢好有日本地道風味。睇見menu樣樣都想食，叫咗幾樣出名嘅。Facebook 俾like有嘢送，呢D so嘢即做黑松露溏心蛋，無諗過送嘅都咁足料，黑松露味濃。胡麻醬冰菜沙律，麻醬味必點，冰菜以前喺石垣島食過，呢度D冰菜好爽 好好味。燒鱈魚干，非常香口，送酒一流。泡菜黑豚肉卷，串燒水準一流。深海池魚王刺身，極爽口，魚生片切得好薄，入口口感一流。重中之重-原條燒鰻魚飯，真係長到你唔信，仲要個鰻魚汁撈飯，非常惹味。食到捧住走都係六舊水。總結：地道居酒屋風味，食材新鮮，無論晚餐定飲啤酒小食俱佳，唯店面略小，peak hours 要等位，但物有所值。門口可9泊，但後果自負。