通記一品菜館 (已結業)

最近尋覓緊父親節餐廳，希望搵一間好食嘅同爸爸慶祝父親節💖 爸爸中意食大排檔，所以搵咗呢間九龍城菜館。坐得舒服，食物都唔錯😋重點推介💖👍 椒鹽鮮魷我嘅大排檔必點list! 魷魚新鮮炸起，入口熱辣辣，肉質彈牙唔靭，唔會咬唔開。配上椒鹽好香口，加咗大量炸蒜同埋辣椒絲，一塊接一塊食晒成碟。👍 麻婆豆腐煲麻婆豆腐原煲上，熱辣辣，豆腐用咗嫩豆腐，軟綿綿，而且形狀完整，唔會因為炒過而爛晒。唔算太辣，照顧到我呢啲唔係好食到辣嘅人。勾芡都做得好好，個汁唔會好水，送飯一流！👍 揚州炒飯揚州炒飯炒得乾身，夠晒鑊氣，而且調味都唔錯。除咗傳統嘅火腿同埋蝦仁之外，仲加咗三色豆，營養均衡，顏色都好好睇。📍通記一品菜館 九龍城衙前塱道9號地舖