麻辣香鍋

营业中

休息中

👩🏻一向唔係好食得辣，不過偏偏好鍾意食四川/重慶小炒。呢間位於朗豪坊嘅重慶小菜就最啱我。小炒夠鑊氣，仲可以揀小辣或者唔辣，基本上揀小辣一定食到。✨招牌香鍋 $235五餸起炒，可以揀香辣/麻辣/醬香。怕今次碟碟都係辣食唔到，所以揀咗醬香。味道甜甜地配咩食材都夾，而且佢嘅糖分仲令食材添加咗少少焦香。我哋揀咗羊卷肉片、雞軟骨、魷魚鬚、貢菜、花菜。👩🏻特別鍾意食爽脆嘅雞軟骨同埋貢菜。✨鮮椒雞$138切細嘅雞腿肉用油爆得香口，但係肉質依然鮮嫩易咬。配合辣椒、青椒嘅香氣，惹味但唔會濃烈得嗆鼻。✨炸饅頭六個 $48第一次食到咁脆嘅炸饅頭，真正做到外脆內軟，加埋煉奶令人食到停唔到口。