金沙角美食小厨

营业中

休息中

沙田朋友極力推薦金沙角美食小廚，所以我哋決定跨區去試吓。 它係一間傳統冬菇亭大排檔，空間頗大，主打各式各樣風味小炒和海鮮。當日雖然係平日但座無虛席，氣氛熱鬧。 我哋叫咗三杯雞、豉汁蒸大鱔、涼瓜菜脯蛋角、西蘭花炒花枝帶子和廈門炒米。三杯雞三杯雞鑊氣十足，帶有陣陣麻油、米酒和醬油香味，還有九層塔、老姜片和粒粒蒜頭，提升了這道菜香氣，啖啖雞肉，配上白飯，真一流！豉汁蒸大鱔白鱔鮮甜彈牙，每件白鱔都包着濃稠蒜蓉豉汁，鮮香美味又唔鹹。如果加點果皮會更惹味，又係一 道十分適合送飯嘅菜式。涼瓜菜脯蛋角蛋餅煎得金黃香脆，口感外脆內嫩， 加上鹹香爽脆菜脯和薄薄苦瓜片，非常到胃送飯小菜。西蘭花炒花枝帶子西蘭花色澤鮮嫩，咬落脆口不硬實，花枝帶子， 外香內軟，有鮮味，香味四溢，正！廈門炒米上枱時， 曾懷疑其味道， 因外貌不太討好。但吃一口，隨之而改觀。 米粉甜酸軟滑，有蝦有蛋有叉燒。最重要係有廈門炒米必備嘅五柳菜和九 黃，非常醒胃惹味。整體來說，菜式份量大，鑊氣十足， CP值高， 喜歡港式大排檔情懷嘅你哋，不要錯過啦。