福泉鉄板燒•鮨 (已結業)

朋友介紹話呢間餐廳食日本菜正，仲幫手訂埋位，係灣仔洛克道，好易穩。訂咗鐵板燒嘅枱，好方便，個廚師仲會同我講解，新鮮燒出來係靈舍好食嘅。印象最深係啲鮑魚，因爲係新鮮摞上來再放去燒，一放落去果下識得跳！廚師一邊切，鮑魚就一邊跳，好過癮。最後會切成細細粒，加啲調味料再分俾我地食。口感好好，好彈牙好鮮味，唔會腥，點埋隔離啲醬，食到停唔到口！