福泉鉄板燒•鮨 (已結業)

因为唔钟意食鱼生，所以一向对日本料理感觉一般，但福泉嘅日式铁板烧真系唔错，我第一次见到成只活活生嘅大鲍鱼系大铁板上扭来扭去由生烧到熟，师傅好熟手地又喺同一块铁板上准备好相配嘅酱料，之后嘅烧和牛同大虾多士都非常之好味，但视觉效果就相对差咗少少，haha，可以话铁板烧真系视觉，嗅觉同味觉嘅多重享受，而且环境好舒服，服务又周到，下次有机会一定会再来过！…查看更多

最近天气转热，都系食寿司开胃啲。福泉因为午餐抵食，返工中午次次过来都多人，见到师傅好忙碌但处理食物完全唔马虎，十贯寿司都好美味，不过始终最爱都系件大TORO，一入口油脂同鱼香混合埋一齐融化口裹，几时都咁好味，最后嘅乌冬略有失准，经理即时换过一份，服务态度十分抵赞，难怪咁多回头客。…查看更多

寿司就食得多喇，日式铁板烧都系第一次试。坐喺师傅面前，睇住佢块大铁板上直接烹调食物都几有趣，第一次见到大大只活鲍鱼，喺铁板上扭来扭去，食材咁新鲜，又点会唔好味，加埋Ｄ特别调配嘅酱料，完全味蕾嘅极上享受。烧飞驒牛都好惹味，一咬落去成口油脂香。福泉嘅师傅唔算好多嘢讲，但态度友善，会仔细介绍菜式，令人感觉好舒服。…查看更多

晚餐食福泉嘅Omakase完全称得上系享受，前菜精致又美味，刺身同寿司超级新鲜，师傅好仔细咁解释每贯寿司嘅食材同食法，我最钟意嘅一定系海胆，师傅最后上咗两种唔同嘅海胆寿司，虽然当时已经饱到上心口，仍然感受到果种清甜美味。餐厅环境舒适，同两个朋友由六点几坐到近十点，慢慢叹住食晒所有嘢先捧住个肚走。…查看更多

湾仔食日本料理其实都多选择，不过近排最钟意都系福泉Fukuizumi，间餐厅主打厨师发板寿司同铁板烧，虽然之前试过啲寿司都新鲜好味，但系时间充裕嘅话我更加喜爱铁板烧，事关望住师傅准备食物都几有趣。前菜有日式沙律，食落好清新，仲有啲蕃茄，好甜好fresh，烧龙虾肉质好饱满，入口爽弹，和牛就喺烧紧时已经闻到好浓既焦香味，上碟色泽够哂鲜红，食落口感真系好嫩好多肉汁，够juicy!呢度嘅食物水准稳定，几次帮衬都好满意。…查看更多