香港永年車仔麵茶冰廳

营业中

休息中

阿女放假去沙田做gym，做完就約我去行城市廣場，之後去咗香港永年車仔麵茶冰廳食晚餐。餐廳以車仔麵揚名，更有增添懷舊鐵板餐等，啱晒我女兒口味，每次嚟到城市廣場都要食返餐！日本名古屋雞扒鐵板餐周打蜆肉魚湯，香味濃郁，口感creamy!雞扒配黑椒汁，雞扒煎至金黃色，以鐵板上枱，淋上黑椒汁立即咋咋聲香氣四溢！配菜有粟米、蕃茄、西蘭花、椰菜花、雜菇，雞扒肉質嫩滑，配黑椒汁好惹味！抹茶紅豆冰，抹茶香氣十足，紅豆吃起來超綿密，甜度適中！車仔麵：豬腸、豬皮、豬紅、鳳爪、幼麵。每款配料都用不同配方調製，非常入味，無論湯底、配料和醬料都十分獨特，豬腸乾淨冇異味，口感煙韌，軟腍的豬紅沒有腥味，豬皮爽口，鳳爪皮軟滑，幼麵彈牙配清湯辣汁湯底非常惹味。豬腸、墨魚蝦卷、豆卜、雞翼、粗麵配清湯辣汁墨魚蝦卷彈牙，豆卜索左啲湯汁辣辣哋好惹味，雞翼嫩滑入味，粗麵比幼麵更有口感。豬三寶：豬紅、豬腸，豬皮，實在太好味，不能不Encore！蝦多士，即叫即做，記住趁熱食先香脆！