銅鑼灣嘅”本陣”，食一個雜錦盛套餐，$788/位，有齊大蝦和牛鵝肝等矜貴食材，本來就抵。但而家食滿$1500就額外送一份”溏心瀨尿蝦”。換句話講，惠顧兩位雜錦盛就會送一份，抵上加抵。
呢個溏心瀨尿蝦真心好食，新鮮到demo嗰陣仲郁緊，最重要係唔使慢慢拆殼呀嘛😆。
至於其他菜式，特別推介大蝦、北寄貝、和牛同鵝肝。
大蝦本來已經厚肉，喺上邊淋上蝦頭膏整成嘅汁，令人回味。北寄貝更加係令人驚艷！新鮮唔在講，厚肉非常，甘香彈牙。
和牛其實就好標準，師傅會問定想食咩成熟度。呢度菜最好嘅地方反而係個Wasabi，原來和牛同Wasabi係可以拼出另一個味道。呢度嘅鵝肝同樣出色，特別係鵝肝夠厚，除咗加上中和嘅醋汁，仲有麵包、焦糖蘋果同鵝莓藍莓等做配菜。
甘鯛用上海膽忌廉汁，皮脆肉嫩，薄燒牛肉蒜味香濃，具質感。再加上其他嘅炒野菜、魚湯、炒飯同甜品等，呢餐飯真係非常豐富！最後要留意，呢度係默認全部切件上菜，如果有需要影相，要同廚師提早講定。
5
