竹 (已結業)

疫情期限套餐做買一送一，要慶祝節日食好野，依間好抵食，但一定要訂位！<特別鐵板燒料理>10道菜 $880買一送一再加一。🍚食物[👍🏻香煎鵝肝配黑醋汁$280]做到入口即溶，配甜生果食中和油膩，好出色滿分！[👍🏻帶子配芝士汁]好香口，帶子鮮味出大大粒，芝士汁不會太濃蓋過帶子鮮味。[👍🏻活龍蝦配龍蝦膏牛油汁]望住隻龍蝦郁梗，見到都流口水，每人半隻龍蝦，師傅一邊燒一邊拆肉，食起來很方便。[👎🏻大拖羅魚腩$200帶子壽司$90三文魚子壽司$90]見到好多人食omakse，所以都試一試壽司，叫咗三件壽司試，但價錢算貴質素就普通質素，有點失望。👎🏻服務服務較普通，鐵板燒師傅只簡單介紹食物，得一個師傅太多客人分身不暇，無點理會食客既要求。侍應數量也少會要等得耐少少。最新餐牌價錢建議上 社交平台打，竹日本料理，係官網可以睇到，訂位有得whatsapp好方便。