影片
更多
2021-07-09
224 浏览
收工同朋友去食飯，想食好啲，所以揀咗呢間鐵板燒。我哋揀咗一個中價位嘅套餐，980包左10樣菜，本身以為唔算好多， 但食落真係好飽同埋質素好高， 同朋友都覺得下次可以試吓再高價位嘅套餐，應該都會對得住價錢👍一開始嚟咗沙律同海膽黑松露糖心蛋，兩樣份量都唔多，但好足料。沙律有好多蟹肉，食落好鮮甜，整體好清新。海膽黑松露糖心蛋嘅配搭係好特別，海膽份量不少，好新鮮。跟住有煙燻帆立貝同活鮑魚配蟹肉海苔醬，呢兩樣店員都有好仔細介紹食法，服務好好！我好鍾意煙熏帆立貝嘅製法，佢用菊花做煙燻，所以食落有花香，相當清新。而活鮑魚亦好新鮮彈牙，就咁食就好鮮甜。如果配上咸咸地既海苔醬，味道就更豐富，更鮮味😋法國鵝肝都好大舊，而且厚，油脂好香，入口即化但唔會腥👍肉方面我揀左日本A5和牛薄燒，份量都好多，燒得剛剛好，香口但唔會太硬😋另外配上幾款野菜，包括美國啡菇，日本南瓜同茄子，全部都好鮮甜同juicy，唔會燒到好乾👍最後有汁物同炒飯，聽落平平無奇但其實一啲都唔馬虎。汁物係帶子豆腐魚湯，十分濃郁，帶子亦鮮甜。可能因為用鐵板炒，炒飯相當香，而且蟹肉都好多！最後食埋個雪芭結尾，揀左蕃薯味，幾特別，真係食緊蕃薯咁😂
收工同朋友去食飯，想食好啲，所以揀咗呢間鐵板燒。我哋揀咗一個中價位嘅套餐，980包左10樣菜，本身以為唔算好多， 但食落真係好飽同埋質素好高， 同朋友都覺得下次可以試吓再高價位嘅套餐，應該都會對得住價錢👍
一開始嚟咗沙律同海膽黑松露糖心蛋，兩樣份量都唔多，但好足料。沙律有好多蟹肉，食落好鮮甜，整體好清新。海膽黑松露糖心蛋嘅配搭係好特別，海膽份量不少，好新鮮。
跟住有煙燻帆立貝同活鮑魚配蟹肉海苔醬，呢兩樣店員都有好仔細介紹食法，服務好好！我好鍾意煙熏帆立貝嘅製法，佢用菊花做煙燻，所以食落有花香，相當清新。而活鮑魚亦好新鮮彈牙，就咁食就好鮮甜。如果配上咸咸地既海苔醬，味道就更豐富，更鮮味😋
法國鵝肝都好大舊，而且厚，油脂好香，入口即化但唔會腥👍肉方面我揀左日本A5和牛薄燒，份量都好多，燒得剛剛好，香口但唔會太硬😋另外配上幾款野菜，包括美國啡菇，日本南瓜同茄子，全部都好鮮甜同juicy，唔會燒到好乾👍
最後有汁物同炒飯，聽落平平無奇但其實一啲都唔馬虎。汁物係帶子豆腐魚湯，十分濃郁，帶子亦鮮甜。可能因為用鐵板炒，炒飯相當香，而且蟹肉都好多！
最後食埋個雪芭結尾，揀左蕃薯味，幾特別，真係食緊蕃薯咁😂
张贴
