板神鉄板燒日本料理 (信和廣場)

营业中

休息中

同屋企人慶祝生日，嚟咗食鐵板燒，四百幾蚊一個餐，都幾抵。個餐首先有沙律，前菜，正正常常咁。然後每人有幾舊刺身，有帶子、吞拿魚同三文魚，唔錯，幾新鮮。之後嚟嘅係鮑魚同大蝦鐵板燒，兩樣嘢都好彈牙同新鮮，好好食。之後海鮮/蠔同鵝肝揀一個，我揀咗蠔，屋企人揀咗鵝肝，廚師好好，仲問我哋一陣留唔留返啲鵝肝油嚟炒飯。然後嚟嘅係牛肉，好欣賞佢啲牛肉係連埋啲蒜片，用牛肉包住蒜片上，好香好香！我另外試咗厚切牛，都幾好，好易咬好好食。最後有菜、湯、炒飯同甜品，炒飯比較遜色，唔係好夠味。甜品有兩個，燒多士好香，另外一個就麻麻地。整體嚟講唔算超級好食，但呢個價錢嚟講cp值高，抵食！