S2 鐵板燒 (已結業)

呢間餐廳就出名食海膽料理嘅，大家慕名而去都係為咗佢個18層海膽杯。我就偏唔食海膽嘢，因為本身自己無太中意食海膽（笑喊）因為工作關係，今日嚟到佐敦，做完嘢之後真係好肚餓，見到呢間頗具日本特色嘅小店勾起了我嘅食日本嘢嘅癮，咁我就入去食啲嘢啦。地方細細間，好似居酒屋嘅氛圍。我就揀咗S2特色黑松露和牛炒飯，飯係用珍珠米，黑松露嘅味道好香，和牛食落好嫩口，重要嘅係唔會有油膩感，炒飯炒得粒粒分明之餘又會保持濕潤感，唔會食到口乾。一個炒飯都可以食到師傅嘅功夫嘅。