金記冰室 (新港城中心4期) (已結業)

朋友說這間經常排長龍，今晚排了二十多分鐘入座，座位不少，座無虛席。鐵板香煎雞扒配吉列魚柳 份量大，吉列魚柳炸得金黃香脆，雞扒大件，配上波浪形粗薯條，啖啖肉好滿足。鐵板西冷牛扒鐵板一定要夠熱，牛扒上枱約5成熟，切件再用鐵板加熱，啱好7成熟，粉紅色肉夠嫩，牛扒差不多大過鐵板，大件又抵食，都唔錯。炒蛋叉燒飯有驚喜！炒蛋非常嫩滑，近似入口即化，叉燒夠淋，加韮黃更香，正！黑牛 童年回憶呀，睇住可樂沖過朱古力雪糕好治療。餐湯羅宋湯足料，凍檸茶茶底唔差呀！