影片
服务态度极差！只可以分两次单是什么道理，还串到爆！不建议去这间餐厅食，是超级不建议不然的话你一定会被串！事后我和我的同伴还和他们讨论我们吃了什么以及分单的问题！收银员还爆粗骂我们，这是什么垃圾服务态度？
继续阅读
好耐冇去食，见冇人排队入去食个早餐，入座大约35-40分钟，未食完个早餐，个男侍应黑口黑面走埋嚟话限时45分钟，但门口系冇人排队㗎，想点呀，真系赶客，唔会再帮衬！
继续阅读
本身一心谂住嚟食有啲菜，同埋蕃茄牛肉汤饭，但系男朋友讲出去要食啲自己煮唔到嘅𩠌 所以嗌自己其他嘢见到人哋啲蒸鱼好靓，就谂住嗌返条 苦瓜炆䲝鱼谂住系有啲菜咁样都几健康几好味，点知佢成条鱼炸过，而且极唔新鲜平时食嘢一啲都唔厌尖嘅男朋友都出声话啲肉好少 因为劲博只系炸完之后有几啖咬口反而加落去嘅$18焯菜心就非常之抵呢个完全系闹咗成餐跟住我哋谂住太少肉就嗌多个𩠌，倾吓倾吓先啦，不如要过金银蛋 救命，一上枱就系呢个样完全系人哋食净受得𠮶啲样，金银蛋份量极少，应该只有六份一都唔知系咪 啲菜都系主要系Tong同埋肥肉粒 好差，好差好差啫啫鸡稍为好啲 但系$88㖞
继续阅读
我第一次食，以后都唔会再帮衬，唔知系唔系因为楼面太少员工，出餐出得好慢，我叫咗一个牛肉炒通粉，违反商品说明条例，出到嚟碟嘢同张相争好远，𠮶啲牛肉细粒到放大镜先睇到，真系连粒洋葱都大过佢，仲有唔够干身，成碟都系汁，同埋味道真系好一般，不过普普通通茶餐厅唔会有太大期望，食晒成碟通粉杯热奶茶都仲未嚟，半个钟嘅时候催咗一次单，个职员净系开部落单机望一望我有冇落过单跟住就叫我等吓，大佬成碟粉都食晒仲等，个店员完全唔想同我催，一杯热奶茶使唔使整咁耐？隔多10分钟我再催一次，跟住个店员就行咗入去厨房拎住杯热奶茶出嚟，我怀疑系佢自己冲，其实明明好快就出到一杯热奶茶，点解要我等咁耐？好差嘅体验。仲要杯热奶茶系唔好饮，茶餐厅嚟讲算难饮。冇下次。
继续阅读
今日同家人去咗新港城金记食饭 见到铁板餐第二个有半价图片又几靓价钱又ok谂住试下啦 点知一入去坐低里边𠮶啲服务员真系忙到你唔信。首先水都唔识俾杯你饮 匆匆劈低菜单然后叫你扫码。整间铺根本就个个客人都系自助嘅自助攞水自助攞纸巾自助攞调料，乜都自助好似食咗自助餐咁 最重点系啲人系要不断噉样催先至会攞到餐俾你。我哋叫咗一个西冷扒同一个杂扒 而且系选择铁板上嘅 但一上菜即刻知道中晒伏 个铁板除咗用微温嚟形容之外我都唔识讲系点样讲 杂扒𠮶块鸡扒㶶到黑鼆鼆而且得浸皮 𠮶块牛扒几寸厚我叫七成但系唔熟。但神奇在唔熟得嚟又可以又硬又冇味！ 𠮶啲罗宋汤仲好野酸到好似用醋煲嘅噉 老实讲𠮶啲大集团乜家乐乜快活我都觉得呢D既扒已经够差佢可以差过佢哋嘅，你话系咪犀利 最重点系乜嘢哩最重点系食嘅嘢真系差到你唔信两个餐虽然唔贵，收咗170文但系我只可以讲我亦都见到隔离嘅人都系讲𠮶句冇下次。你话香港嘅饮食渐入寒冬我同你讲如果间间都系噉香港就嚟要执晒嘅喇
继续阅读