影片
更多
2023-03-28
69 浏览
🔥鐵板上的故事為你娓娓道來🔥今日應朋友邀請去到來到銅鑼灣信和廣場呢間日式鐵板燒“板神”😎來到門口已經比呢度既裝潢吸引住🤩，reception 個塊落地花崗岩以及精緻金黃既天花穹頂已經凸顯氣派，更未提及走廊上既日式傳統家紋屏風以及外廳上一幅富士山🗻墨寶，所有裝潢擺設都別具匠心💡。今次來試左lunch裏面$1680既厚切澳洲和牛set menu😋整體上不過不失，CP值✅算高！👍🏻4位同行第二個set半價，你無聽錯，係半價！💰跟住落來就睇睇今日食左d乜啦🍱⚜️第一道⚜️雜菜堅果沙律配堅果沙律汁🥙一個日式沙律，食材新鮮已經好有清新口感，個亮點係師傅特製既堅果沙律汁，終於唔再係和風汁/胡麻醬，呢個汁係成個沙律最精彩既點精之作，甜甜地帶著creamy既口感，作為沙律汁毫無違和感。⚜️第二道⚜️刺身三味🍣（油甘魚，帆立貝，吞拿魚）刺身3貫，表現合格🈴有餘，刺身來講都係最緊要新鮮，展現到魚原有既鮮味同油分。吞拿魚係用上拖羅，並非赤身，呢度有誠意分，油脂分佈平均，入口滿足😋帆立貝肉質豐盈鮮甜，略帶清香。至於油甘魚部位肥美，鮮甜唔腥，肉質略有咬感。⚜️第三道⚜️南非鮑魚🦪師傅用上海鹽為呢道南非鮑魚簡單調味，不但帶出鮑
今日應朋友邀請去到來到銅鑼灣信和廣場呢間日式鐵板燒“板神”😎來到門口已經比呢度既裝潢吸引住🤩，reception 個塊落地花崗岩以及精緻金黃既天花穹頂已經凸顯氣派，更未提及走廊上既日式傳統家紋屏風以及外廳上一幅富士山🗻墨寶，所有裝潢擺設都別具匠心💡。
今次來試左lunch裏面$1680既厚切澳洲和牛set menu😋整體上不過不失，CP值✅算高！👍🏻4位同行第二個set半價，你無聽錯，係半價！💰跟住落來就睇睇今日食左d乜啦🍱
⚜️第一道⚜️
雜菜堅果沙律配堅果沙律汁🥙
一個日式沙律，食材新鮮已經好有清新口感，個亮點係師傅特製既堅果沙律汁，終於唔再係和風汁/胡麻醬，呢個汁係成個沙律最精彩既點精之作，甜甜地帶著creamy既口感，作為沙律汁毫無違和感。
⚜️第二道⚜️
刺身三味🍣（油甘魚，帆立貝，吞拿魚）
刺身3貫，表現合格🈴有餘，刺身來講都係最緊要新鮮，展現到魚原有既鮮味同油分。吞拿魚係用上拖羅，並非赤身，呢度有誠意分，油脂分佈平均，入口滿足😋帆立貝肉質豐盈鮮甜，略帶清香。至於油甘魚部位肥美，鮮甜唔腥，肉質略有咬感。
⚜️第三道⚜️
南非鮑魚🦪
師傅用上海鹽為呢道南非鮑魚簡單調味，不但帶出鮑魚清甜既味道，而且略略吃到淡淡海水味。鮑魚上師傅用巧妙既刀工留下菱形◇坑紋，不但可以控制熟成度而且有便於鮑魚入味，所以成品入口爽悶彈牙，齒頰留香。
⚜️第四道⚜️
來到呢道日本馬友🐟，係烹調前師傅已經精心起骨，成條無骨帶皮用上香草牛油同日本醬油香煎，香氣四溢！薄薄既魚皮被煎至香脆，魚肉鮮嫩多汁💦，最緊要無骨，可以大大啖食🤤，滿足感十足
⚜️第五道⚜️
一如既往，師傅都係用龍蝦精華-龍蝦膏造左個芝士龍蝦汁配呢道輕煎澳洲紅龍蝦🦞師傅處理手法純熟，行雲☁️流水一氣呵成，龍蝦肉鮮甜有咬口，澆汁食更係昇華至另一層次，美中不足就係每人份量不多😆
⚜️第六道⚜️
餐飯食到中後段，來到一道間場料理，香煎季節野菜🌽🥬🫑。蔬菜食材爽口清新，雖說香煎但入口不油膩，感覺清爽，間場料理來講算係不過不失基本發揮。
⚜️第七道⚜️
基於性價比之選既原則，主菜部分揀左澳洲M8和牛🐂厚切，叫左師傅用medium去處理。未煎之前睇過塊M8，油花比例尚算均勻，烹調過程熟成度🔥控制得好好無overcook。牛肉上碟用上一塊烘上“板神”多士吸油，配上大大塊自家炸蒜片伴碟，肉質表現平均，由於厚切半熟，飽足感滿滿。
⚜️第八道⚜️
來到炒飯🍚部分，其實都已經食到八成飽。師傅呢個環節係準備一道和牛炒飯配上龍蝦味增湯伴漬物。漬物係日本酸青瓜🥒同埋牛蒡，味增湯用龍蝦頭🦞去熬製，重點講個炒飯。炒飯都係用和牛碎肉加上紅蘿蔔🥕，蔥花，雞蛋🥚為主要配料去炒，呢度平平無奇既炒飯就係考驗師傅功架既時候。飯粒幾乎都覆蓋蛋漿，粒粒分明，入口乾身香口，材料配菜都無失去口感保持清爽，呢d先係炒飯！🤞🏻
⚜️甜品⚜️
來到甜品環節，本來都念住set menu送既都無乜期待，不過不失就收貨。誰知一個平平無奇既紅豆豆腐都驚為天人，口感軟滑之餘伴隨既係紅豆原始淡淡甜味，作為甜品做到恰如其分👏🏻
今日餐飯到下午3點就來到尾聲，係呢度講講服務同餐桌🍽準備上既細節。雖然第一次來，未算清楚餐廳定位，不過就住裝潢同價位，應該偏向服務中高端顧客群。waiter方面算係照顧周到，夠attentive既，不過對於自己餐廳菜色部分知識不足，另外餐桌鋪排上例如換碟，留餐具等方面唔夠細心。比較好既係上至經理下至服務生都係local既，言談間比較有人情味，對於朋友既BB亦照顧有加，令人有賓至如歸既感覺。
7 浏览
0 赞好
0 留言
3 浏览
0 赞好
0 留言
0 浏览
0 赞好
0 留言
0 浏览
0 赞好
0 留言
0 浏览
0 赞好
0 留言
0 浏览
0 赞好
0 留言
0 浏览
0 赞好
0 留言
0 浏览
0 赞好
0 留言
0 浏览
0 赞好
0 留言
张贴
