麵屋哲 (已結業)

今日食lunch去咗Don Don Donki嘅Food Court但搵位就需要花多少少時間。見到有間日本過江龍嘅沾麵店（麵屋哲），餐牌有三款沾麵同三款拉麵，見到其他人嘅沾麵份量都比較大，所以試咗個「特製濃厚豚骨拉麵$98」。拉麵會跟3塊叉燒，1隻溏心蛋，木耳同笋條，舖頭仲做緊優惠送半隻溏心蛋。湯底：質地較濃味，比較杰身，唔係出面啲普通拉麵舖嘅味精粉開水咁。拉麵：麵質冇得揀但都適中，唔會太軟或太硬整體嚟都唔差值得一試。