魚樂一番 (已結業)

新開張，全部新手，錯漏百出。樓面職員有4個，但客不多，幾乎可以一個對一張枱，但都冇咩服務，唔明點解呢種麵店會有加一服務費。叫左個鮑汁花膠撈麵同鮑汁花膠撈飯。等左足足20分鐘先到，啲餸已經炆好哂，唔明點解要等咁耐，而且上到黎啲野係唔熱既，連暖暖地都講唔上，只係不致於凍囉。個汁好稀，似湯水，唔係撈到飯黎食嗰種汁，只係濕下啲飯。花膠係爽脆既口感，唔係淋軟既，呢啲個人口味啦，但我唔鍾意爽脆花膠似食豬皮。有隻好大既冬菇，尚算入味可以。唯一可能係可取之處既係食物一啲都唔咸，但正常呢種炆餸係要咸咸地先好餸飯，又係個人口味啦… 我就覺得太淡。另外，飯就比好多，實飽。不過一個蝦子麵就會好快肚餓。隔離一張枱，叫湯麵就黎左撈麵，另一張枱叫雞腳花膠湯麵就冇雞腳，仲要催左2次先補番隻雞腳，廚房真係好發夢。間舖麵食都冇幾多選擇，主要都係花膠鮑魚冬菇雞腳啫。雖然價錢唔係好貴，但就係麵店要收加一嗰下奇怪。我覺得我唔會幫襯第二次。