旦王花 - 泰越鍾情

营业中

休息中

泰式珍寶拼盤 $128/2-3位用沙嗲串燒特別推介沙嗲雞肉串，燒得鮮嫩多汁。炸蝦餅炸蝦餅外層香脆，蝦滑口感結實。配泰式酸辣醬完美配搭。牛油雞翼另一個推介小吃，牛油味濃郁，雞翼炸得非常香口，雞翼將肉汁鎖住，食到滿嘴漏油。馬拉盞炒通菜 $88呢個馬拉盞炒通菜 個人覺得係平均水準之上，淨係睇相見到馬拉盞份量非常之多，而且辣椒比想像中多非常惹味。越南燴牛尾煲 $168呢個成台性價比最高嘅一道菜，大大舊牛尾差唔多有5-6舊，又肥又嫩好食到嚇死人。牛尾炆得好連軟骨都輕輕咬得開入口即溶！而個汁豐富蕃茄微酸味，加埋紅蘿蔔香蔥洋蔥嘅微甜，牛尾食落唔會太膩，2-3個人食都岩岩好！清邁鐵板蠔仔蛋 $138呢個同街邊大排檔整嘅蠔餅唔一樣，呢度整嘅蠔餅外脆內軟，外邊食到酥脆，內裏有種煎蛋餅嘅軟嫩。蠔仔嘅份量多又大粒，咬開滿滿嘅蠔味。而且用鐵板上溫度保持得好d，就算成台餸都唔會咁快凍。干炒泰式金邊粉 $108呢個乾炒泰式金邊粉同樣都係水準之上，夠乾身有鑊氣大大碟，蛋蔥芽菜花生碎夠多，足夠撈成碟食。