旦王花 - 泰越鍾情

今日同狗狗一齊去街街，我哋去咗元朗搵朋友食晚飯，朋友揀咗呢間餐廳，因為呢度可以帶狗狗嚟。入面環境都算大，座位可選室外或者室內，而我哋就揀咗室外坐。泰式生蝦刺身：鮮甜彈牙，配搭埋泰式醬汁，非常好食。豬肉碎生菜包：清爽嘅生菜包入肉碎一齊食，口感層次非常豐富而且酸酸辣辣肥瘦適中嘅肉碎令人越食越開胃。泰式醃製燒雞：香氣撲鼻，雞皮燒到金黃色，外脆內嫩，好滋味。泰式大蝦粉絲煲：大蝦鮮甜彈牙、粉絲軟滑又有彈性，粉絲吸晒醬汁食落非常惹味。…查看更多

前輩回港度假，我哋一班朋友一齊出嚟食飯，揀左錦上路旦王花～泰越鐘情。 其實好耐之前都幫襯過，覺得環境很不錯舒服👍🏻，晚上周圍著左燈好有氣氛。今次十一個人坐樓上包房，晩餐超級滿足😋😚，叫左16 個不同款式嘅餸，而且有啲仲叫雙份。今次啲食物好好味，平時不喜歡冬䕃公湯嘅我，飲左2碗；炭燒豬頸肉烤得香而且不會好肥； 拼盆多樣化👍🏻，其他食物都不錯，最欣賞個香蔥烤餅好好味，配埋個羊腩perfect match. 甜品不會太甜😋，食埋朋友帶去嘅芝士蛋糕，完美滿足的一餐👏🏻。 職員態度都好親切，而且主動問我地夠不夠吃等，非常貼心🩷。 整體都好好，下次再去及要推介比朋友。…查看更多

Book左同屋企人食生日飯，提早15分鐘拎左蛋糕過去諗住俾驚喜屋企人，提左一次需要100蚊切餅費 我哋無問題。坐低15分鐘內已經催左4次落單，但係明明屋企人未到齊，催到我要落左一杯飲品先肯停😓落單本身屋企人想食鱸魚 但係 戴黑框眼鏡、矮小嘅女侍應 不停叫我地選馬友 亦態度較寸咁話: 馬友魚味重啲 鱸魚冇味 不過你哋想叫咪叫囉 ，最後屋企人迫於無奈選擇馬友🤷🏻‍♀️後尾食完飯，打算同屋企人傾下計再食蛋糕，本來想比屋企人驚喜，戴黑框眼鏡、矮小嘅女侍應 不識相直接行過黎問:仲有個蛋糕喎 收100蚊切餅費 你哋係咪係到食？係咪依家上埋？搞到我哋好尷尬，成個驚喜咁就冇左。最主要係 戴黑框眼鏡、矮小嘅女侍應 態度比較差，唔知係咪老員工 相對其他侍應都比較寸，反而係其他侍應態度幾好，離開時比較親切。…查看更多

和朋友4個人食生日飯，諗住可以泊車較方便，這晚大概有6枱客，主要得一個侍應招呼，所以侍應態度都麻麻，經常不瞅不睬。因第一次來，不知食物份量，所以先叫了幾樣食物，其中牛扒煎得過熟，又乾又韌，向侍應反映，佢只回覆：是咁的，然後走咗去，其他生蝦、咖喱、蒜蓉包，炒飯都是一般，食食吓隔離水池突然湧出水，池水流到成地都係，我們的餐枱在池邊，其他顧客亦向侍應反映水池漏水，她大聲說會處理，最後，地下沒有人拖，周圍濕粒粒，侍應態度很差，雖然仲好肚餓，但都冇心情再留喺度吃飯，最後連自己帶來的蛋糕都沒有切，攞走了…查看更多

聖誕節唔想同人迫，所以揸車去呢間泰國餐廳試下我地一行5人，都叫左唔少野食，餐廳除咗泰國菜之外，仲有印度咖哩，都幾多元化小食拼盤，份量都幾多，可以試到唔同小食，有串燒，雞翼，魚餅，蝦餅，春卷，蝦片生蝦刺身都唔平，有少少貴，味道正常椰子雞湯，飲落有少少酸酸地，幾開胃，天氣凍，飲少少熱湯，個人都暖返大蝦金邊粉，味道幾好鹹魚炒芥蘭，都不錯明爐烏頭，個擺盤都幾吸引，不過條魚唔算大條，所以都有少少貴🤣我哋叫咗蒜蓉包，為咗蒜蓉包冇咁單調，我哋叫咗牛油雞，呢個牛油雞反而好有驚喜，佢加咗好多蕃茄醬，食落去幾惹味👍另外，榴槤沙冰都好大杯，大滿足😋最後兩個甜品都中規中矩如果下次元朗搵唔到停車場，都可以揸車入嚟食飯…查看更多

餐廳環境整潔，店員服務殷勤，十分友善！食物都好好食， 尤其是係軟殼蟹米米紙，口感清新，味道香脆. 冬陰公都好好食，唔會太辣。仲要主動送甜品同啤酒俾我哋💞 下次同屋企人食飯會再嚟🥰…查看更多

疫情後第一次泥，味道keep到好食，份量足，安排左冷氣位比屋企人。服務態度好熱誠好nice有咩困難都可以幫到我，冇枱嘅時候都盡量幫我哋安排大家值得嚟試一下👍👍👍…查看更多

第二次來的高質的泰國風情餐廳～ 分量足 味道好，係價錢少貴，不過除了食物，很大程度也是環境優勢佔多，黃昏時間嚟到可以睇日落，夜晚著咗燈都好靚好有feel，適合晚上多人gathering！.食物方面都好出色，最喜歡個咖哩軟殼蟹，咖哩溝咗椰汁同蛋漿好香，麵包外脆內軟好出色其他菜式都好正宗，不伏～.Staff很nice，最後替我們想盡辦法打包體積很大的咖喱軟殼蟹包，印象好好。.泊車費：$35/車消費滿$1000有得免費泊車…查看更多

之前黎過感覺一般般今次再黎staff有改善態度同野食有好食左坐戶外位有篷有風機Staff轉左人Petfriendly左好多現場既姐姐都有過黎Yo下打招呼😆一見到我地黎又拎冰又安排風機 安排唔錯🐾我地兩個人食就叫左🍽️濕炒雞肉河粉🍽️芒果軟殼蟹米紙卷 🍽️泰式炸蝦餅🍹椰青&芒果沙冰🍮椰汁&芒果大菜糕個人比較推薦芒果軟殼蟹米紙卷個味道好fresh而且入面有好香既牛油果😍希望佢keep 住啦～…查看更多

餐廳設有室內及室外用餐區，主人同毛孩可以喺室外用餐🌤️，用QR code落單好方便📱～ 呢度嘅裝修充滿泰國風情🪇，入到嚟見到半露天白色玻璃屋🤍同小象石雕塑噴水池⛲️，我米蘇蘇同小象影咗幾張相🐘，似唔似去咗轉泰國旅行呢🥰✈️🇹🇭？🫔泰式春卷春卷炸到好脆口，一啲都唔油膩，入面係素菜🥕，好清新🌱～ 仲好貼心切左一口一件，點上甜酸醬，好好味🧡！🍳清邁鐵板蠔仔蛋蠔仔同蛋嘅份量都好多😍～ 邊位煎到有香脆感，雞蛋重蛋香味同好嫩滑🥚，仲有唔少蠔肉係入面🦪，粒粒飽滿多汁，配上秘製醬汁🥣食更惹味😋！🥘黃咖喱牛肉牛腩炆到夠腍身同入味🐮，黃咖喱濃稠度剛好，帶有濃郁椰奶味🥛，如果唔想食辣嘅咖喱，超級推薦嗌嘅款❤️！🫓蒜蓉烤餅烤餅即叫即整熱辣辣，質感柔軟，食落有煙靭感，仲好香蒜蓉香味添🧅，配上黃咖喱食🥘真係好美味阿🤩！☕️凍泰式咖啡係戶外吹住風扇再飲啖凍咖啡真係好嘆⛅️！泰式咖啡一啲都唔苦，係奶味重，之後再慢慢浸出清爽嘅咖啡味，好襯呢到咁靚嘅裝潢✨！🧋凍泰式奶茶好飲嘅泰式奶茶，奶香同有少少香料味，茶底唔係港式奶茶果種，啖啖茶香加上奶香☺️，好有泰國風味🇹🇭！店員姐姐話嚟緊過嚟食嘢嘅毛孩🐶，都會送一份寵物小食，大家快啲叫爸爸媽媽帶你哋過嚟食飯打卡影相啦🤩！！🅿️餐廳外面有停車場（約8-10個車位）消費滿$1000可以免費泊車🚌搭車嘅話可以喺元朗或錦上路站，搭64K巴士到「八鄉東邊路」落車，行約2分鐘就到📍 旦王花 - 泰越鍾情 (元朗)元朗錦上路148號地舖…查看更多

我們到達餐廳是由一位男職員招待，我們說因為食煙想坐戶外，男職員說坐戶外都唔可以食煙㗎，你們是煙鏟來的嗎？（當時覺得這男職員態度麻麻，或者佢習慣當客人係一般朋友態度）我都不以為然之後再叫佢幫忙俾多張凳我們擺袋，佢一腳伸張凳過嚟，險些撞到我，佢自己都有些愕然，但冇任何表示，我就話嘩！你咁大力㗎！他說張凳太輕了懷疑這人係皇親國戚，但建議管理層留意吓這男同事的工作態度，服務態度如有不足之處真的要加強培訓，這樣做服務性行業這個態度真係太差了其他女職員大致上都Ok食物大致上都Ok,冬陰功湯，咖喱軟殼蟹，大蝦沙律都幾好食好飲，但拼盤嘅串燒和雞翼就略為硬身，過了火侯,價錢偏貴，職員態度麻麻，這餐廳我就不太推介了…查看更多

呢間位於錦上路嘅泰國菜就真係要揸車先可以食到，平時自己都好鍾意食泰國菜，見過唔少餐廳嘅裝修，呢一間啲裝修寧捨吸引，特別係中間幾隻象仔。餐廳好大間，如果覺得出邊太熱嘅話都有冷氣房可以坐，但係我就覺得坐喺戶外就比較有度假嘅感覺，真係諗返起喺泰國放鬆玩嘅日子。‣ 越南燴牛尾煲 $168牛尾煲嘅醬汁調配得唔錯，唔會話太過甜膩或者太過鹹，食落去覺得啱啱好，配白飯食就真係一流。平時都唔係點樣食牛尾，但係今次都忍唔住食多咗幾嚿，美中不足嘅係我覺得牛尾可以再煮軟腍少少，再吸收多啲醬汁嘅香味就會更加好食。‣ 泰式燒乳豬 $488淨係嗌燒乳豬其實已經好飽，呢度淨係半份嘅份量已經好足夠四個人甚至五個人食，特別係乳豬都幾肥膩，乳豬仲有搭配糯米飯。其實去到最後我哋都冇乜人食糯米飯，一開始食覺得乳豬好香，咬落去啖啖肉好爽，但其後都覺得有啲肥膩，賣相一流，但係未去到話覺得好想再嗌多次嚟食。‣ 招牌星洲咖喱蟹 $368幾乎每次食泰國菜我都會嗌咖喱蟹，我覺得旦王花嘅咖喱蟹好出色，幾次食過都唔會覺得啲蟹肉好霉，啲肉都唔會話好痴殼，好鍾意佢嘅咖喱有一浸蛋嘅香，又唔會好辣，配飯或者薄餅食真係一流。‣ 炭燒魷魚筒 $158魷魚筒就正常發揮，要有嘅香味都喺到，有咬口，你唔會話特別想嗌多次嚟食，但係如果你鍾意食魷魚筒嘅話都可以嗌一份。‣ 泰式炸蝦餅 $98泰式小食入邊，我最鍾意嘅就係炸蝦餅，而我覺得旦王花嘅炸蝦餅都好出色，啲蝦肉咬落去真係爽口彈牙，唔會好似有啲舖頭啲蝦肉咬落去覺得有種霉霉哋嘅感覺，炸出嚟嘅時候熱辣辣，真係爭啲俾啲油焫親個口。‣ 鮮蝦金柚沙律 $98我覺得旦王花鮮蝦金柚沙律嘅份量唔算好大份，但係我幾鍾意佢啲金柚真係都幾多，而且食落去都唔會話好酸，酸甜適中，不過其實都好講佢揀嘅碌柚揀得靚唔靚。雖然話酸啲好似好食啲，但係我覺得食到一啲甜甜地嘅金柚嘅時候，滿足咗我想食生果嘅慾望。#foodbara_diary…查看更多

Book左呢度同屋企人食飯+慶祝生日，估唔到可以咁令人失望！叫左個椰子湯，已remark少鹹但都仍然好鹹！個柚子大蝦沙律，係我每次食泰菜必叫，但從未食過咁難食！成兜野係暖既，個醬又唔知咩味，又唔新鮮豬頸肉個汁千祈唔好淋落去！又係勁鹹！「炭燒」羊架仲難食過茶餐廳！完全冇羊味！個印度咖哩鹹到可以去洗腎！鹹都算，可以做到完全食唔到咖哩味！最後呢個椰汁糕，我見到個刻真係呆左！個樣好似放左成個禮拜咁！仲要連碟去蒸熱，再直接拎出黎上枱！$58呢4舊野？成餐飯成千蚊！除左個米紙卷同炒飯係叫ok正常⋯其他真係不知所謂！可以全部做到淨係食到鹹味，但原全食唔到本應有既味，真係好出色！仲有全部野食都係純翻熱，包括個炭燒羊架！除左甜品，Total叫左9樣野食，但全部可以係10分鐘內出哂環境都ok既～但比成千蚊食呢堆翻熱既垃圾，真係好後悔揀左呢度！見到之前咁多好評，究竟係轉左廚師定比錢搵人做假？…查看更多

今次係我第一次食覺得味道都好好食，價錢有少少貴，但係個環境係好舒服嘅。食泰國一定要叫冬陰功湯🫕🫕🫕今次叫咗小咸，覺得啱啱好夠味，而且裏面嘅蝦都好彈牙👍🏻👍🏻你記住一定要叫小咸啊😝😝推薦：🩷🩷🩷🩷🩷然後叫咗串燒，豬牛雞各兩串🍢🍢呢個菜式就中規中矩啦。推薦：🩷🩷🩷‼️重頭戲黎啦‼️叫咗青咖喱軟殼蟹，另外自己加咗個印度薄餅😍😍😍咖喱又唔會好辣，而且軟殼蟹都脆，唔會勁軟身。再用印度薄餅沾咖喱食超正👍🏻👍🏻推薦：🩷🩷🩷🩷仲有叫咗椰青水，但係就比較清淡冇咩椰子味🫢🫢…查看更多

📍旦王花 - 泰越鍾情 (元朗)元朗錦上路148號地舖Openrice訂座襯天氣未算熱 於是今日中午嚟試試地方寬敞 露天玻璃屋+大象噴泉職員安排我同朋友坐戶外座位餐廳無提供lunch set 全部都要散叫✨黃咖喱牛腩泰式咖喱有黃綠紅三色黃咖喱 帶椰香微辣較甜 牛腩軟嫰✨Garlic Naan香蒜印度烤餅 味道一般 不夠香蒜味亦不夠薄不夠脆✨馬拉盞炒芥蘭 賣相一般 芥蘭鮮甜爽脆 略嫌太多油✨泰式鮮蝦炒金邊粉有蝦 豆腐乾 勁勁勁多椰菜 賣相一般 味道亦一般整體用餐體驗✨味道(2/5)整體食物味道一般✨環境(2/5)坐室外 瘋狂俾蚊咬✨服務(2/5)QR code落單 無乜服務
✨抵食(2/5)沒有lunch set…查看更多