瀛豐放題料理專門店 (已搬遷) 新店位置

疫情放緩，又涷涷地，胃口大增，係最佳的時候同朋友去食放題，食餐勁嘅！朋友喺銅鑼灣返工，好耐都唔見一次，平時唔想食放題嘅佢竟然難得話想食，我呢個大食鬼當然唔放過啦。食就梗係揀間黃店—瀛豐放題料理專門店！一坐低冇耐，店員就講解落單係用QR CODE，同拎咗兩盅燉湯過嚟，材料豐富幾清甜幾好飲。之後再上埋個刺身拼盤，加$138有埋海膽帶子+生蠔任食，好正啊！刺身拼盤樣樣都有，已經唔洗再單點，夠哂2個人食嘅份量，而且賣相光澤，味道亦都係新鮮！海膽帶子不過不失，普普通通。反而有驚喜嘅係生蠔，原先仲諗住喺放題食得嘅生蠔都係唔新鮮，但食落比我預期好，雖然蠔身比較薄身，但味道鮮甜，蠔味夠！食放題除左刺身，當然要叫幾款壽司嚟食，我欣賞呢度嘅壽司飯夠細舊，而賣相夠哂吸引，所以食多幾件唔同款嘅都唔覺得滯，亦都留返個肚食下其他野。天婦羅、豬耳、皮蛋其實同出面食嘅一樣，味道都ok。反而，炸物同熟食我同朋友都幾滿意！芝士年糕同炸雞軟骨夠爽脆，而且夠熱，唔會涷冰冰，眨下眼就食哂落肚。我就冇食到麻辣田螺，不過朋友話田螺幾新鮮冇臭味，而且辣味入到肉，佢誇張到食哂成碗，睇嚟幾好味。整體來講，瀛豐放題質素唔錯，終於眀白點解可