Mercury Recalls by Lost Stars

营业中

休息中

以黑膠碟為主題嘅西餐廳好少見。未入去已經感覺好嬉皮士嘅感覺。以水泥風設計嘅餐廳，非常英倫feel。餐廳中間有吧枱旁邊有DJ喺度打碟餐廳周圍都好多打卡位。天山雪谷薰衣草茶非常香薰衣草味嘅熱飲，喜歡薰衣草嘅朋友絕對要試試。素肉玉米片份量超多，作為前菜嚟講真係未食主菜已經飽晒，店仲要比左勁多素肉，完全不吝嗇。燒美國黑安格斯肉眼扒 （10oz)配菜有日本南瓜、薑黃椰菜花、法邊豆，非常健康。配上法式伯那西醬比你點牛扒食。點完後感覺冇咁膩。牛扒脂肪比例平衡，入口唔會韌，好重牛味。我哋叫咗五成熟，餐廳煎到剛剛好。手工芝士烤雞卷（四件）非常多手工嘅一道菜式，雞卷入面的芝士味唔會太重搶走雞的鮮味，反而幫忙雞味升華。烤雞卷嘅皮，煮到好似啫喱嘅口感，雞肉肉質鮮嫩彈牙，而且好滑。配菜有煙肉、馬鈴薯蓉、仲有四粒車厘茄。迷你德國鹹豬手食落豬手唔會過鹹，旁邊有酸菜，外皮炸到脆卜卜。旁邊配上烤椰菜另外再比一個蜜糖芥末醬比你點德國鹹豬手，令豬手味道更加提升。黃金桂花烏龍冷萃氣泡茶飲到烏龍茶同桂花味，再加埋有氣，非常醒神，感覺非常特別。 因為無糖更非常適合食完成堆肉，幫助去除油膩感。