碼頭故事 (已結業)

今晚約左朋友係銅鑼灣接佢收工，想打邊爐就search下附近既火鍋店，見到呢間碼頭故事新開，就去食下。佢裝修係傳統中式火鍋店，成間鋪都係紅色為主，而且有霓虹燈，感覺好特別。就叫咗個麻辣火鍋雙拼。麻辣嗰邊有唔少乾辣椒，再加牛油嘅湯底，食落麻麻辣辣咁，好過癮。而另一邊就揀咗蕃茄湯，酸酸地中和返。肉類方面，我哋叫咗個一米牛肉。一上枱嗰陣就即刻打卡。估唔到真係有一米咁長，而且都唔算貴$200有找，都有好多件。另外我哋仲叫咗墨魚滑，佢一份總共有三條。食落口感好特別，除左爽口仲有卜卜脆咁，好鮮味。我覺得最值得推介係海帶。平時食開嘅都好厚身。佢呢一種有啲似以前食米線嘅螺旋藻咁樣，擺喺湯底灼幾秒就搞掂，食落好似介乎紫菜同海帶之間食麻辣火鍋，當然就唔少得要埋鴨血。鴨血好厚身，唔會一擺落湯底就散晒，而且都好新鮮，一啲都唔會腥，配埋麻辣湯底，食到成個口都有少少麻買單就2個人食左800蚊到，食到勁飽，而且新開有75折，下次去開銅鑼灣想食火銅可以再去。