家賀屋

之前去過幾次係灣仔開業多年嘅壽司店－家賀屋食lunch，對佢哋新鮮肥美嘅魚生好有印象😆原來佢哋係銅鑼灣渣甸街都開咗分店，呢日去到食晚飯，魚生質素keep住水準高👍🏻除咗不同款式嘅壽司、刺身、丼飯，呢度仲有唔少特別啲嘅款式，好似煙燻生雞肉、令和之怪物蠔、法國生蠔等👏🏻👏🏻🍱特選海鮮丼砌得好靚好吸引🤩刺身大堆頭咁鋪係面，有赤貝、三文魚、海膽、吞拿魚蓉、拖羅、磯煮鮑魚等。鮑魚醃得入味，食落帶點酒味，而且好彈牙😋海膽好creamy甘香，加埋吞拿魚蓉同壽司醋飯一齊食好正😚😚🍣師傅特選壽司8貫8款質素都唔錯，唔係普通貨色😎有金目鯛、海膽軍艦、海鰻、牡丹蝦、火炙拖羅、秋刀魚、赤貝、油甘魚。壽司握得好好，海膽好甘香，秋刀魚同拖羅好軟滑，食得好滿足😛😛🍣秋刀魚壽司秋刀魚毫無腥味，幾軟滑😗🥩鹽燒仙台熟成牛舌心油花豐富💦口感好爽彈，無需點醬汁都正😋🍗阿波尾醡橘雞心串、阿波尾醡橘雞胸脆骨串除咗刺身、壽司外，呢度都有串燒選擇🍢包括唔同部位嘅雞串燒。汁燒雞心好彈牙都唔錯。🍺蜜桃碳酸酒水果碳酸酒有幾款選擇，燒酒加上梳打水以及原塊蜜桃肉，飲落好清爽，酒味不重，比較易入口😛人均消費：$550推介指數（10分為滿分）：7