定食 Doraya (駱克道)

营业中

休息中

熟悉銅鑼灣嘅人對呢間魚生飯應該都唔陌生。今晚成11點半先到餐廳，臨近關門時間店內只有小貓幾隻。自選丼：兩份大拖羅同油甘魚 ＄243中拖羅同海膽沽清所以叫咗兩份大拖羅同油甘魚。Doraya 嘅魚生一如既往咁厚切，可惜今晚嘅拖羅麻麻地，話就話大拖羅但粉嫰程度同油脂分泌好一般，由相可見邊位更係紅色，而且好大陣雪藏味同多根。相反油甘魚就唔錯有魚味同肥美。沙律同蒸蛋跟餐附送要求不太多。蘑菇味增湯味增湯有啲咸。加$15 可轉油甘魚湯。建議唔好臨近關門先黎，雖然唔使等位但拖羅有啲賣剩蔗嘅感覺。