影片
更多
2017-10-26
147 浏览
阿姨不愧為高級食家，每次推介嘅餐廳都充滿驚喜。銅鑼灣一向係尋找美食嘅好去處。今日拜山前，她就帶我去食一間食物質素高嘅日本餐廳—「花見日本料理」。佢位於餐廳林立的百樂中心。.電梯門一開，眼前出現嘅就係濃濃和風嘅日式裝飾，好靚啊！門旁邊寫住「日本產米專用店」，唔知會唔會特別好食呢？一入到餐廳，多款佳釀映入眼簾。餐廳提供左好多唔同懸份嘅酒比客人選擇，應有盡有。不過既然我哋係食午餐，就無叫到酒精飲品。.先黎嘅係醃菜、茶碗蒸、沙律同埋味噌湯。每一個餐都有配埋架。茶碗蒸最為吸引，火候控制得剛好，表面光滑。唔單止好睇仲好好食，口感嫩滑，入口即化。.啊姨獨愛蔥吞拿魚腩蓉配海膽飯。我淺嚐左一羹。哇！原來剁碎嘅吞拿魚撈埋香蔥同埋芝麻會產生化學作用架。香蔥嘅微辛同幼細嘅吞拿魚碎好搭配。.而我呢，係眾多日本野當中，最中意壽司，所以就叫左十二件自選壽司定食。侍應推介每日精選果幾款，因為係每日從日本空運到港，果然不失所望，時令嘅新鮮食材特別滋味。四款當中我尤其中意深海池魚。有別於一般池魚，深海池魚係厚切嘅，肉質爽彈，口感極佳。鰆都幾有驚喜，係香港唔多餐廳有供應，上面擺左少少紫菜醬，味道幾特別。除左是日精選，我仲點
.
電梯門一開，眼前出現嘅就係濃濃和風嘅日式裝飾，好靚啊！門旁邊寫住「日本產米專用店」，唔知會唔會特別好食呢？
一入到餐廳，多款佳釀映入眼簾。餐廳提供左好多唔同懸份嘅酒比客人選擇，應有盡有。不過既然我哋係食午餐，就無叫到酒精飲品。
.
先黎嘅係醃菜、茶碗蒸、沙律同埋味噌湯。每一個餐都有配埋架。茶碗蒸最為吸引，火候控制得剛好，表面光滑。唔單止好睇仲好好食，口感嫩滑，入口即化。
.
啊姨獨愛蔥吞拿魚腩蓉配海膽飯。我淺嚐左一羹。哇！原來剁碎嘅吞拿魚撈埋香蔥同埋芝麻會產生化學作用架。香蔥嘅微辛同幼細嘅吞拿魚碎好搭配。
.
而我呢，係眾多日本野當中，最中意壽司，所以就叫左十二件自選壽司定食。
侍應推介每日精選果幾款，因為係每日從日本空運到港，果然不失所望，時令嘅新鮮食材特別滋味。四款當中我尤其中意深海池魚。有別於一般池魚，深海池魚係厚切嘅，肉質爽彈，口感極佳。鰆都幾有驚喜，係香港唔多餐廳有供應，上面擺左少少紫菜醬，味道幾特別。
除左是日精選，我仲點左多款致愛，質素都好高。炙平目魚邊油香四溢，滑溜到有啲似右口魚邊。食左兩件都係唔夠喉。青青地嘅帆立貝都唔差，爽口彈牙，鮮甜無比。三文魚籽都好吸引，粒粒都大大粒，晶瑩通透。咬落卜卜脆好過癮！
.
除左主食，我地仲另加左鹽燒黑豚肉同埋活鰻各一串。阿姨特別鍾情汁燒鰻魚所以叫廚房由鹽燒轉成汁燒。活鰻配甜甜嘅秘制醬汁特別好食，皮脆肉嫩。
.
食完咁多好味嘅嘢食已經好滿足！原來仲有甜品同埋餐飲。餐飲好特別，我唔係揀普通咖啡檸茶檸水，而係手造綠茶，特別香濃，顯出廚師嘅用心。回甘略苦，味道一流。跟餐甜品同樣唔馬虎，係朱古力慕絲，質地軟滑，朱古力味香濃。
.
總括而言，「花見」食物質素高，店員和善有禮，我一定會再黎。
张贴
