MEMOIR (已結業)

MEMOIR • 銅鑼灣銅鑼灣餐廳就一向好多，但如果想揀菜式精緻、環境寧靜、適合兩個人聚會嘅餐廳，今次呢間係幾好嘅選擇。餐廳入到去首先見到係bar 枱，入到去餐枱位置好闊落，有空間感。燈光調暗營造氣氛，牆身亦有帶啲情調嘅佈置，環境以一間西式餐廳算做得唔錯。另外值得一提，每份餐牌都有人手繪畫喺入面，而且每份餐牌嘅圖畫都唔一樣，幾特別👍🏼..✅ 日式青芥末威靈頓三文魚 🐟 $298自從威靈頓牛扒面世，就陸續有好多以同樣煮法嘅菜式出現，呢道威靈頓三文魚都唔例外。三文魚切成4小件，外層酥皮香脆乾身，內層以紫菜、青芥末醬取代平時嘅蘑菇泥，帶有和風特色。三文魚肉煮得嫩滑，而且保留好多肉汁，水準唔錯😋..✅ 日式海膽忌廉帆立貝意大利粉 🍝 $198賣相方面幾特別，餐廳放左個空嘅扇貝殻做裝飾，不過如果有埋舊肉喺入面就仲好😂汁方面海膽味好濃、煮至稠身、加入忌廉汁中和海膽自身嘅腥味而且提升意粉香味同令醬汁更順滑。意粉好掛汁，每啖都好香濃👍🏼..✅ 炸軟殼蝦配檸檬沙律醬 🦐 $98呢道軟殻蝦做法同平時軟殻蟹做法一樣，將原隻大蝦油炸，蝦外層炸得乾身，唔會淋，蝦肉比較結實帶啲彈性，算新鮮，而且蝦味幾濃。檬檬沙律